Accessibility links

якшәмбе, 11 декабрь 2016, Казан вакыты 01:32

Çallı taraya


Çallınıñ tege - yäki bu bistäsendä yäşäwçelärneñ uramnarğa çığıp, yaña başlanğan tözeleş eşlären tuqtatuğa bulğan omtılışları xaqında äledän-äle işetelep tora. Äye, tözüçe kompaniälär zur ücätlek belän şähärneñ uñaylı urınnarında toraq yort yäki kibet, yäki başqa obyekt tözüdä cir alıp qalu öçen köräş alıp baralar. Uñaylı urın digänem şunı añlata, bu cirlär ğädättä elek tözelgän yortlarnıñ işek alları, yañadan da şuşı yortlarğa teräp yañanı salunı añlata. Bu territoriälärgä kommunikatsiä çeltäre elek-elektän kergän. Monısı tözü şirkätläreneñ çığımın kimetä. Şähärneñ 38нче, 39нчы bistälärendäge tözeleş başlanuı monda yäşäwçelärdä rizasızlıq uyattı. Ber şirkät balalar uynıy torğan urınnı da timer qoyma belän äyländerep alğaç, xalıqnıñ tüzemlege bette häm tözeleşkä qarşı aksiälär ütkärä başladılar. Aksiä digäne älegä tözeleşkä qarşı imzalar cıyu, şähär xakimiätenä, prokuraturağa, militsiägä, Tatarstan prezidentına möräcäğät yullaw belän bäyle. 38нче bistädä yäşäwçe Rafis Sadriev häm Damir Ğalimcanov fikerläre: - Fatirlarnı xosusıylaştırğanda öy tiräsendäge cir dä sezneke bula didelär. Xäzer menä nindider keşelär kildelär dä, öy yanındağı cirne qoymalap quydılar. Xäzer inde balalarnı uynatırğa cir dä bette. - Çallıda kibet östendä kibet. Balalar mäydançığın beterep kibet tözü kiräkme ikän? Yuq. Şuşı bistä keşeläreneñ räsmi möräcäğätlärenä Çallı başqarma komitet citäkçese urınbasarı Mönir Ğaynulov bolay dip cawap yaza: - Başqarma komitet älege ob`ektnı tözügä röxsät birmäde. Administrativ xoquq bozu buyınça eşne prokuraturağa cibärdek. Çallı prokuraturasınıñ da cawabı kilgän. Alar da tözeleşneñ zakonsız buluın äytälär häm timer qoymalarnı aldıru buyınça eşne şähär mäxkämäsenä cibärgännär. Şaqtıy waqıt ütsä, qoyma alınmağan kileş tora. Tatarstan prezidentı apparatı biredä yäşäwçelärgä mondıy xat yullıy - "Sezneñ möräcäğät,tikşerü öçen, şähär başlığı İldar Xalikovqa cibärelde". Şuşı bistädä yäşäwçelär Çallı militsiäse başlığı Fäyzulla Xösniev isemenä dä xat yullağannar. Anda, balalar öleşenä kergän timer qoyma yaqın arada alınmasa, anı üz köçebez belän alaçaqbız, dielä. Çallı, Ğafiulla Ğaziz

XS
SM
MD
LG