Accessibility links

чәршәмбе, 7 декабрь 2016, Казан вакыты 19:37

Dawıllar dawılladı


Başqortstanda köçle dawıllar buldı. Anıñ näticäsendä distägä yaqın rayon zıyan kürde. İñ zur qaza Dürtöyle, İglin, İleş häm Blagoveşçen rayonnarına töşte. Dürtöyle rayonında 8 gektar urman zıyan kürgän, 28 awıl utsız qalğan, gazütkärgeç zararlanğan.

İleş rayonında ike meñnän artıq yort tübäsen quptarıp atqan, 20 awılnıñ utı özelgän. Böredä ike meñ şäxsi yort, 50 dän artıq xakimiät binası utsız qalğan. Ponton küper zararlanğan. Quptarılıp oçqan tübä astında qalıp ber keşe ülgän, 28 keşe zıyan kürgän, şularnıñ öçese balalar. Blagoveşçenda 147 şäxsi yort, 56 sänäğät binası, 15 mäktäp häm xastaxanä binaları tübäsez qalğan. Nurimanda 5 awıl, Krasnokama rayonında 20 yort utsız qalğan. Dawıl näticäsendä Dürtöyle, Blagoveşçen häm Böre şähärläre dä utsız qalğan. İnde küpçelek urınnarda elektr özeklege beterelgän.

Başqortstan Prezidentı tabiğät qazası bulğan rayonnarğa säfär qılıp, yärdäm itärgä ışandırdı. Kürelgän zıyannıñ küläme 200 million sumnan artıq.

XS
SM
MD
LG