Accessibility links

шимбә, 10 декабрь 2016, Казан вакыты 04:10

Ğiraq: Törkiyäneñ çik buyındağı xärbi xäräkäte kiyerenkelek tudıra


Törek xärbiläreneñ Ğiraq çigenä yaqın cirlärdä ğaskär cıya başlawı, AQŞ häm Ğiraq räsmilären borçuğa sala. Törkiyäneñ PKK körd ğisyançı suğışçılarına xöcem itü-itmäwe mäsäläsendä kiyerenkelek üsä barğanda, bäxäslär dä arta.

Ğiraqqa yaqın Törkiyä çikgendä, kiyerenkelek arta.

Ğiraqnıñ tönyaq Kürd Avtonom töbäge başlığı, Massod Barzani Ğiraq çigenä yaqın cirlärneñ Törkiyä tarafınnañ utqa totıluın belderde. Ul, bombalawlarnıñ, PKK suğışçılarınıñ Törkiyägä höcemnär oyıştıruındada şiklänelgän noqta, Haji Ümranğa yünälderüen belderde.

Atışlar xaqında bäysez mäğlümätlär yuq. Törkiyä atışlar xaqında ber añlatma birmäde. Läkin şunısı mäğlüm, Törkiyä soñgı atnalarda Ğiraqtağı PKK suğışçıların beterü öçen xärbi xäräqät oyışturı ixtimalı xaqında açıqtañ açıq söyläp kilä.

Törkiyä, Amerika Ğiraqqa kergänçe 2003nçe yılğa qadär yış qına, çik buyındağı ğisyançı noqtalar buluda şiklänelgän cirlärne utqa totqan ide.

Utqa totı turında xäbär, Ğiraqlı häm Amerkan räsmiläreneñ, Törkiyäneñ Ğiraq çigendä yasağan xäräkätenä qayğı belderüennäñ soñ taraldı.

Şimbä könne, Ğiraq Premyer Ministrı Nuri äl-Maliki Anqaranı höcem başlatmasqa çaqırdı. Äl-Maliki Ğiraqnıñ körd avtonom töbäge başqalası, Ärbilgä yasağan säfär waqıtında bolay dide:

“Ğiraq Federal hökümäte, Ğiraqnıñ kürşe illärgä zarar qılu eşendä qullanıluına qarşı çığa. İkençedän Ğiraq cirlärenä xörmät kürsätelergä tiyeş häm bez anıñ xärbi operatsiägä säxnä buluına yul birmiyäçäkbez. Bez kürşelärebezgä zarar birergä telämebez, häm şul uq waqıtta alarnıñda bezneñ cirlärebezgä kerüen telämibez. “

Törkiyäneñ Todays’Zaman Gazetası Amerika saqlanu Ministrı Robert Gatestañ stat kiterep bulay yazıp çıqtı:

“Törek cirlärendä barğan Körd terrorçılığı turında törkiyäneñ xaqiqi qayğısı bar. Bu turıda alarnıñ rizasızlığın häm açuın añlap bula. Här yılnı yözlärçä törek xälaq bula, bez törek yağı belän bu mäsäläne çişär öçen söyläşülärne däwam itäbez. stat tämam, Gates şul uq waqıtta AQŞ, Törkiyäneñ ber taraflı höcüm yasamasqa çaqıra dip belderde.

Törkiädä saylawlar yaqınlaşa. Bäyrutta urnaşqan Törkiä eşläre belgeçe Möhämmäd Nuretdin süzlärenä qarağanda, “Tönyaq Ğiraqqa xärbi höcüm ixtimalı yuq diärlek. Xakimiättäge Aq Partiägä basım arttırıla” dip añlata.

Parlament saylawları Törkiädä 22 yülgä bilgelängän.
XS
SM
MD
LG