Accessibility links

чәршәмбе, 7 декабрь 2016, Казан вакыты 19:31

Omski ölkä Sabantuyına niçä keşe barır?


Omskida ölkä külämendä ölkännär öçen ike yılğa ber märtäbä ütkärelä torğan “Tatar cırı” bäygese bıyıl 16 iyün könne bulaçaq. Döres, cır konkursları yıl sayın, çiratlaşıp oyıştırılıp tora, – ber yılnı balalar, ikençesendä ölkännär öçen. 2002 yılda balalar öçen berençe märtäbä oyıştırılğan bäygedä qatnaşqan cırçılarnıñ qayberläre xäzer inde törle üzeşçän sänğät kollektivlarında şöğellänälär, cır bäygelärendä dä qatnaşa başladılar. Şulay itep, tatar cırın başqaruçılar sanı yıldan-yıl artıp tora. “Umırzaya” ansambleneñ alıştırğısız bayançısı Nägim Möxämädullin süzlärençä, 90 yıllar başında 5-6 cırçı belän genä dä konkurslar ütkärgän çaqlar bulğan. Ä bıyılğı konkursnıñ Omskida yal könne ütkän berençe turında 38 keşedän torğan “Umırzaya” ansamble, 17 yalğız häm 4 parlı cırçılar qatnaştı. Jyuri – tatar moñına bäyä birüçe ölkä Mädäniät ministrlığı belgeçläre, ikençe turda köç sınap qararğa öç yalğız başqaruçını, ber duetnı häm ansambl'ne layıq dip taptılar.

Ällä sostavında ber genä tatar, ul da bulsa tel belgeçe bulğan jyuri äğzaları bik taläpçän buldılar, ällä tawışlar naçar çıqtı – ömetle, xätta qayber başqa konkurslarda uñışqa ireşkän cırçılarım da töşep qaldı, di “Umırzaya” kollektivı citäkçese Ğafiä Aleeva.

Citäkçe dä, käyefläre qırılğan cırçılar da xäzer aptıraşta. Eş närsädä soñ? Eş şunda ki, bäygeneñ ikençe turın häm yomğaqlaw öleşen, ölkä üzägennän 500-gä yaqın çaqrım yıraqlıqta urnaşqan Tevriz rayonında ütkärü küzdä totıla. Ä inde ikençe könne, yäğni 17 iyündä, älege rayonnıñ Utızı awılında ölkä Sabantuyı bulaçaq. Sabantuynıñ töp oyıştıruçısı – Duslıq yortı häm anıñ direktorı Natal'ya Stepanova tarafınnan ölkä üzägennän bäyrämgä 25 kenä keşe bara ala dip qatı çikläw quyıldı. Çönki ber-ber artlı ütäçäk konkursqa häm saban tuyına barıp qaytu öçen öç kön waqıt kiräk bulaçaq häm direktor xanım süzlärençä, şunnan artıq keşene urnaştırırğa da, aşatırğa da mömkinlek yuq, kollektivnı alıp baruçı avtobus ta 25 kenä keşene sıydıra ala ikän.

Omski ölkäseneñ Tara, Ust'-İşem, Tevriz, Kolosovqa, Bol'şereç'ye rayonnarında da bu könnärdä tatar cırı bäygesenä häm Sabantuyğa äzerlek bara.

Rozaliä Sayganova, Omski

XS
SM
MD
LG