Accessibility links

якшәмбе, 11 декабрь 2016, Казан вакыты 01:33

Tatarstan eşmäkärläre «Nefaz»ğa xıyänät itärme?


Tizdän Qazanlılar altın avtobuslarğa utırıp yöriäçäklär. Şäxsi eşmäkärlär östenlek birgän Qıtay maşinalarınıñ iseme “Golden Dragon” - “Altın äcdaha” dip atala. Avtobuslarnıñ iseme cisemenä turı kiläme, monı Qazan xalqı bik tizdän tikşerep qarayaçaqlar, çönki 1 iyüldän alar şähär uramnarında yöriäçäk.

Ser tügel, transport ölkäsendä, xalıqtan aqça cıyıp küp kenä aqça eşlärgä mömkin. Ä aqça bulğan cirdä härçaq köndäşlek bula. Bu yulı Qıtay maşinaları belän, üzebezneñ “Nefaz” avtobusları köç sınaşa. Ämma bu köräşneñ näticäläre inde bügen küzgä ap-açıq kürenep tora. Tatarstan “Qamasın” legendar yök maşinası bularaq böten dönyada belsälär dä, aqça mä’säläsenä kilep qağılğaç, şäxsi eşmäkärlär çit il maşinaların xupraq kürä, çönki alar küpkä arzanraq, östäwenä çit il maşinası da.

Bügen qıtay maşinaların “Meğa tran Qazan” häm “Rusmotors” kompaniäläre sata. İnde 500 monday avtobus eşmäkärlär tarafınnan qırıq million dollarğa satıp alınğan. Ul waqıtta “nefaz”larnıñ 200 genä satılğan. Alarnıñ ğomumi bäyäse 34 million dollar.

Sıyfatı yağınnan qaysı avtobus yaxşıraq, bu sorawğa 2 ATPğa qağılışlı “Remontnik” şirkäteneñ baş injenerı Wazir Väliev cawap birä.

Bezneñ ATPda älegä qıtay maşinaları yuq, qaytırğa tieşlär. Berniçä ay elek alarnı täqdim itü tantanası bulğanda, bu avtobuslar miña bik ük oşamadı. Andı keşe azraq sıya, bezneñ “Nefaz”larğa qarağanda täbänägräk, töbe xätta timer yul rel'slarına tiä, äle bezneñ yullarnı isäpkä alsaq, bu avtobuslar bezneñ öçen bik ük kileşmäs tösle. Miña qalsa Qıtaylılar bezgä bu maşinanı kürsätep barı tik bezneñ maşina bazarın tögälräk öyränergä telägännärder. Qıtay şirkätläre alar bik operativlar, alar bezgä oşamağan yaqlarnı beldelär, bälki şuşı berniçä ayda, üz maşinalarında bu kimçeleklärne betererlär. Baya yağına kilgändä bu äle soñğı söyläşü tügel, alarnıñ bäyäläre artırğa mömkin. Şuña kürä dä min uylıym, bezneñ yullar öçen “Nefaz” iñ äybäte, yöreşe buyınça da, keşe sıydıru buyınça da.

Küp yıllar Qazanda marşrut avtobuslar bularaq İkarus, Qarosa, Mersedes maşinaların kürergä buldı. Xäzer beznekelär maşina yasarğa öyränep betkäç kenä, arzan ğına qıtay avtobusları barlıqqa kilde. Şähär xakimiäteneñ transport komitetı citäkçese Aydar Abdulxakov beldergänçä, avtobuslar saylağanda alar älbättä östenlekne üzebezneñ “Nefaz”larğa birgännär, läkin küplärne qıtay avtobuslarınıñ yaxşı häm şul uq waqıtta arzan buluı qızıqtıra. Annan soñ bu avtobuslar inde yıl yarım Sankt Peterburgta şähärlärendä yöri, häm anda da alar üzläreneñ nıq buluın kürsättelär. Bu qıtay avtobuslarınıñ tağın ber östenlege.

Bügen “Nefaz” avtobusı 3 million yarım, Ä qıtaynıñ “Golden Dragon” maşinaları million yarım tora. “Qamaz” şirkäte citäkçese Sergey Kogonin beldergänçä, “Nefaz”lar satıp alınsın öçen alar xätta maşinanıñ bäyäsen beraz töşerergä mäcbür bulğannar. Xäzer bu avtobusnı 2миллион 700 meñ sumğa alıp bula. Ämma bu oçraqta da ayırma şaqtıy.

Aydar Äbdelxakov äytüençä, Qazanğa ber yıl öçendä 1200 yaña avtobus qaytarılırğa tieş, şul räweşle iske avtobuslarnıñ barısı da yañağa almaştırılaçaq.

Şuşı könnärdä Qazanğa 10 yaña “Nefaz” avtobusları qayttı inde, berençe Qıtay maşinaları ber atnadan soñ qaytırğa tieş.

Şulay itep härwaqıttağıça, eşlär xudta, xalıqtan aqça cıyırğa etläwçelär, zur-zur avtobuslar ala, xalıq “Altın äcdaha”, “Nefaz”larnı kötä, bu könnärgä qädär PAZik belän ğazel marşrut taksi xucaları ğına nişlärgä belmi. Qayber çığanaqlar kürsätkänçä, bıyıl, 264 marşrut xucalarınnan alınıp, satuğa auksionğa çığarılğan. Şulay itep marşrut yuq, mesken PAZik ğazellär iskergän, alarnı xäzer qaya quyarğa digän soraw da äle haman açıq qala.

Ğädel Galämetdinov

XS
SM
MD
LG