Прага – Израилнең элекке министры, совет диссиденты Натан Щаранский халыкара җәмәгәтчелекне Ирандагы демократик оппозициягә ярдәм итергә чакырды. Бу турыда ул бүген Прагада демократия һәм халыкара иминлеккә багышланган конференциядә әйтте. Щаранский сүзләренчә, Ирандагы демократик көчләргә ачыктан-ачык теләктәшлек белдерү демократик үзгәрешләргә китерәчәк һәм бу илнең атом янавы үзеннән-үзе бетәчәк.
