Accessibility links

Кайнар хәбәр

Bush: Rusiä, başlağan reformalar yulınnan taypıldı


Quşma Ştatlar Prezidentı George W. Bush, Rusiä, xalıq mänfäğatendä başlağan reformalar yulınnan taypıldı dip beldede. Bu turıda Bush, Demokratiä konferansında söyläde. Bush, Demokratik häm iminlek cämğiätlärneñ urtaq yaqları bar, süz, din, matbuğat irege, keşe xoquqların yaqlaw, dide.

Kiçä bulğan Demokratiä häm İminlek Konferansına, demokrat aktivistlär belän berrättän dissidetlar da qatnaştı. Şulay da küzgä kürenerlek, buş urınnar buldı,

“Bügen monda qatnaşa almağan äle küpkenä diisidant keşelär bar. Alar, naxaqqa qulğa alınğan yäisä öydä küzätü astında totıla. Belarustan Aläksandr Kozulin, Birmadan Aung San Suu Kyi, Kübadan Oscar Elias Biscet, Vietnamnan Nguyen Van Ly häm Misırdan Ayman Nurn. Häm min kiläçäktä bu-işe konferatsiälärdä alarnı da kürergä telim.” Bush, Kommunist xaqimiäte waqıtında da, Vaclav Havel kebek dissidantlarnı bastırıp bulmadı dip, Prganın tarixi yazmışın iskä aldı. Monda bezgä sabaq bar, ireklekkä ayaq teräp bula häm anı ber möddätkä kütterergä bula läkin ireklekne inqar itep bulmas!

Bush, İreklek ölkäsendä küpmeder täraqqiätlär kürensä dä, küp illärdä demokratiä basım astında. Vietnamnan alıp Üzbäkstanğa qadär keşe xoquqları yaqlawçıları häm aktivistläre törmägä utırtıldı. Mondıy küreneşlär küñelne töşersä dä, ömetne saqlarğa törle säbäblär dä bar äle dide.

“AQŞ, Demokratiä Proyekte öçen ayırılğan aqçanı ike tapqırğa arttırdı. Zur Sigezlekdäge berektäşlärebez belän yaqın könçığışta kiläçäkkä bağışlanğan Forumnar arqılı watandaşlar cämğiäte buldıru öçen bergäläp eşlär alıp barabız. Yaña demokratiäne üz itkän, Ukraina. Gruziä häm Qırğztan belän dä yaqın xezmättäşlek itäbez.”

Quşma Ştatlarınıñ, terorğa qarşı suğışuın yaqlağan, ämmä demokratik bulmağan Säğud Ğarabstan, Misır häm Pakstan kebek illärne dä Bush demokratiäne üsterergä çaqırdı.

Amerika barlıq illär belän duslığın däwam itterä ala, läkin şul uq waqıtta demokratiägä öndäwnedä köçennäñ çığarmıyaçaq.

Häm şunnan Rusiä mäsäläse,

Russiä belän AQŞ arasında kieyerenkelek, Amerikanıñ Çäxiä häm häm Polşada qalqan sistemasın urnaştıru planınnan soñ artqan ide. Rusiä Prezidentı moña cäwap itep, üz reketaların Yewropağa yünältü belän qurqıttı.

Kiçä Bush Çäx citäkçeläre belän qalqan planı xaqında söyläşte. Bush, Rusiä AQŞnıñ doşmanı tügel, bu plan qurqınıçsız dide. Bush, Rusiä belän Amerika arasında urtaq mänfäğat belän bergä köçle rizasılıqlar buluın äytte.

Bushnıñ, Putin belän yaqın arada rekata-saqlanu plannarı häm başqa tugan rizasızlıqlar xaqında söyläşüe mömkin.

2 il bügen, Germaniädä zur sigezlek İndustrial däwlätlär samitında oçraşa.
XS
SM
MD
LG