Accessibility links

сишәмбе, 6 декабрь 2016, Казан вакыты 11:22

Başqortstan wäkilläre izge Bolğarğa bara


Başqortstan möselmannarı bıyıl da izge Bolğar cirendä ütäçäk zur cıyınğa baraçaq. 11 iyün könne Bolğar şähäre tıyulığında oyıştırıluçı möselmannar cıyınına Başqortstan Üzäk Diniä näzaratı häm tatar milli oyışmaları başlanğıçında distälärçä keşe 10 iyün könne yulğa çığa.



Başqortstan Üzäk diniä näzärätındağı cawaplı xezmätkär Rawil xäzrät äytüençä, izge Bolğar cirenä ber zur avtobusta möselmannar 10 iyün irtäsendä yulğa çığa. Säfärçelär yul östendä şul könneñ kiçendä Çistayğa kerep tön çığa. “Säyäxätçelärebezne Çistaynıñ öç mäçetendä urnaştıraçaqbız, - di Rawil xäzrät. – Şunnan ikençe könne irtänge namaznı uqığaç ta, säfärebezne däwam itep, Bolğarğa barıp citäçäkbez. Anda kön ozını barlıq çaralarda qatnaşqannan soñ, qaytır yulğa kiçen çığabız”.



İzge Bolğar cirenä bıyılğı säyäxätkä Başqortstan tatar milli oyışmaları wäkilläre dä ayırım maşinalarda baraçaq. Başqortstan Tatar milli-mädäni moxtariäte başlanğıçında Bolğardağı üzençälekle xac säfärenä şulay uq distälärçä keşe barırğa teläk beldergän.

Fänis Fätxi, Ufa.

XS
SM
MD
LG