Accessibility links

шимбә, 3 декабрь 2016, Казан вакыты 05:41

Saban tuyları Mäskäw ölkäsendä dä başlanıp kitte


Yıl sayın ber rayonnan isençesenä küçep uzıldırıla torğan räsmi Saban tuyı bıyıl Dubna şähärendä 16 iyündä uzaçaq. Ä inde tatarlar küpläp yäşi torğan Puşkin rayonınıñ Zvyagino häm Domodeova rayonınıñ Vostryakova awıllarında Saban tuyları bernindi räsmilekkä qaramıy üzläre uzdıra. Şulay itep,10 iyündä äytep ütelgän ike awılda da Mäskäw ölkäse tatarları saban tuyın bäyräm itte. läkin ul Saban tuyları da räsmi qunaqlardan başqa uzmadı älbättä. Cigräk tä Domodedoa rayonında. Çönki kiläse yılda rayon sayın küçep yöri torğan Saban tuyı da alarda uzarğa tieş kiän. Şulay itep, äle Saban tuyı uzmasa da Dubna rayonı estafetanı alarğa tapşırdı. Häm Domodeova Saban tuyında Tatarstannıñ Rusiä federatsiäsendäge wäkälätle wäkile Nazif Mirixanov. Mäskäw ölkäse milli mädäni möxtäriät räise Färit Mogtasarov ta qatnaştı. Nazif Mirixanov Saban tuyına kilgän millättäşlärgä Tatarstan prezidentınıñ qotlaw xatın da uqıdı. Tatarstan prezidentı sälämen şulay uq Puşkino şähäreneñ mikrorayonı bulıp sanalğan Zvyagino tatarları da işette. Alar bıyıl Saban tuyın dürtençe yıl rättän uzdıralar inde. Bıyılğı Saban tuyında başqalardan ayırmalaı bularaq Puşkino rayonınıñ xakimiäte bäyrämdä qatnaşıp qına qalmağan berençe tapqır matdi yaqtan da yärdäm itkän. Älbättä oyıştıru eşläreneñ awır başı Puşkino milli üzge citäkçese Xämdiä Ramayıwa cilkäsenä töşkän. Anıñ eşen zurlap, Saban tuyı açılışında rayon xakimiäte Xämdiä Ramayıva räxmät xatı da tapşırdı. Saban tuyın oyıştıru eşlärendä cirle eşquarlar da matdi yärdämen kürsätkän. Zvyagino awılınıñ stadionında uzğan Saban tuyında, Köräş mäydanı da, xalıq uyınnarı öçen urın da. artistlar öçen estrada da bar ide. Saban tuyı mäydanı yanında keçe futbol yarışları da uzdı. Saban tuyında mäskäw artistları Roza Xabibullina häm anıñ Ayqay törkeme şulay uq Nailya Fatexova da çığış yasadı. Puşkino milli mädäni üzägeneñ üz artistları da bik küp. Saban tuyın alıp baruçılar da üzläreneke. Bäyräm öçen külmäklärne dä alar üz qulları belän tekkännär. Bu xaqta Xämdiä Ramayıva bolay dide. Puşkinonıñ Zvyagino awılına Germaniä televidenie kilep tatar apalarınıñ torğan cirlären. alar peşergän rizıqlarnı. alarnıñ milli külmäklären televideniegä töşerelgän ikän bu xaqta Xämdiä xanım bolay dip östäde. Tatarça milli kiemnän bulğan apalar yanına kildek. Allar bersen berse uzdırıp, yaş waqıtta bulğan Saban tuyların da bügenge bäyräm turında da söyläp kittelär.Şulay itep, 10 iyündä mäskäw ölkäse Saban tuyı bäyrämen açıp cibärde.

Näzifä Kärimova, Mäskäw

XS
SM
MD
LG