Accessibility links

Кайнар хәбәр

Bıltırğı kebek ük, bıyıl da Bolğar cıyını üzençäleklärgä bay buldı


Töp ayırması – xalıqnıñ elekke yıllardan kübräk buluıdır. Mordoviä, Çuwaşstan, Mari ile, Udmurtiädän, Orenbur, Samar, Perm, Çiläbe, Ästerxan ölkälärennän elekke yıllar çaması bulsa, Tatarstannan qubarılıp kilgännär. Barlıq, diärlek rayonnardan da. Yırağraq Başqortostannan da bıltırğıdan kübräk – 1300 çaması, dide respublika möftie Ramil xäzrät Nasıyrov. İñ yaqın Sember ölkäseneñ üzençälege – bixisap ciñel maşinalar belän dä kilüläre. Millättäş din qardäşlärebezne Şähri Bolğar närsäse belän cälep itä, säyäxätneñ maqsatı nidä soñ?

Borınğı babalarıbız yäşägän cirlärne bağu öçen.

İzge cirdä Qor'än uqu, namaz uqu öçen.

Yaxşı niät belän kildem, qartayıp baru waqıtı bit.

Muzeylar qararğa, borınğı babalarıbıznıñ tormışı belän tanışırğa.

Keşe kilä dip kildem inde, tanışırğa.

Dinqardäşlärebez cıyılğan cirne küräsem kilde.

Näselebezneñ tamırları şuşında, märxümnär ruxına doğa qılırğa.

Bez 7 tügel, 70 buın babalarıbız ruxına doğa qılırğa kildek.

Borınğı cirlärebez belän tanışu, babaylar ruxın iskä alu.

Dinqardäşlärebez belän oçraşu öçen.

Berençe märtäbä genä kildek, prosto kürergä genä.

Üz maqsatlarınnan çığıp, xalıq törle ğämällärgä totındı. 2 distägä yaqın qorban çaluçılar – uçaq xästärli başladılar. Baytağın Şähri Bolğar qaldıqları, muzey belän tanışu cälep itte. Ä küpçelek, ike törkemgä bülende: berse Tälğat Tacetdin citäkçelegendä Keçe manara yanında täwbä qılsa, ikençese – Olı manara yanında Qazannıñ sänğät ostaları täqdim itkän tamaşağa cıyıldı. Xalisä Xäkimullina häm Xalisä İsmäğileva ssenariy buyınça oyıştırılğan çaranıñ maqsatı – imanğa qaytu, tarixıbıznı barlaw, izge ana telen saqlap qalu, kiläçägebez öçen can-tän belän tırışuğa öndäw, dip sanarğa buladır.

Qatnaşuçıları da – milli sänğätebezneñ altın bağanaları: Gölzada, Flürä Söläymanova, Nail Äyupov, Mingol Galiev, Zöhrä Säxäbiewa, Rinat Väliev, Şamil Äxmätcanov…

Çaranıñ töp mäğnäsen İldus Fäizev häm Fäwziä Bäyrämovadan özeklär dä kürsätä aladır.

Ğaziz ana tele!

Minem öçen şuşı teldä – qoyaş çığa, cir äylänä, yoldız qalqa.

Minem öçen şuşı teldä – qoşlar sayrıy, cillär isä, dönya güli.

Minem öçen şuşı teldä – İdel ağa igen üsä, ilem nıği

Minem öçen şuşı teldä - tormış ğame, bäxet täme, dönya yäme.

Qılıçtan qıyılmağan ul, upqınğa ubılmağan, altınğa aldanmağan – menä şundıy ülemsez tel bit ul – Xoday ködräte belän iñderelgän ĞAZİZ ANA TELE!

………………..

Başıñ imä, tatar, başıñ imä!

Eçtän sızıp, gel zarlanıp yörmä.

Yalğışıñnı añlap täwbä qıl:

İñ döres yul – Qor'än sızğan yul!

Süz soñında şunı da äytergä kiräk: bıyıl da, bıltırğı kebek ük, Tälğät xäzrät Tacetdin üz tarafdarlarınıñ plenumın uzdırmadı. Çönki Tälğät xäzrät, Täwbä yolasınnan soñ, ğomum räsmi çarada qatnaştı.

Ä bu çara turında ayırım süz taläp iteläder.

Ä älegä tağın ike mizgel. Sember milli xäräkäte äğzaları yulda avtobuslarda tariıxıbızğa qağılışlı äñgämälär qordılar, İdel Bolğarstanınıñ tiñsez uñışların kürsättelär. Ä Bolğarda respublikabıznıñ isemen Tatarstan-Bolğarstan dip üzgärtü turındağı ğözergä imzalar cıydılar.

Ayrat İbrahim, Bolğar – Sember

XS
SM
MD
LG