Accessibility links

дүшәмбе, 5 декабрь 2016, Казан вакыты 07:43

Tatarstannıñ säiasi oppozitsiä köçläre wäkilläre miting oyıştırıp mataştı


Tatarstanlılar saban tuyın, Rusiälelär il könen bilgelägän waqıtta, ber törkem Qazanlılar, tögälräk äytkändä Tatarstannıñ säiasi oppozitsiä köçläre wäkilläre, qızıl bayraqlar kütärep mitingqa çıqtı. Anıñ maqsatı turında Tatarstan däwlät şurası deputatı Robert Sadıykov söyli.

Monda töp ideyä Tatarstanda xakimiät itüçe, klanğa qarşı köräş. Bezdä monda Vampilovçıylar da bar, uñnar da, sullar da, millätçelär dä, liberallar da, bar da bar. Bezne berläşterä torğan ber ideyä – bötenesen üz qulı astında alğan başqarma vlast' baş bualarğa tieş tügel, baş bulırğa tieş xalıq saylanğan vlast'. Bezdä şul uq gossovet ul prezident kesäsendäge piçät, aldı suqtı tığıp quydı.

Bulaçaq saylawlarda küpçelek qaysı firqäne saylar digän sorawğa Rodert Sadıykov bolay dide.

Berdäm Rusiä ul inde çığaçaq härxäldä dä. KPRFqa yul quyaçaqlar xäzer, ul vlast' öçen kiräk. Ul klapan par çığaru klapanı, KPRF bu köräşçe tügel, Ğadel Rusiä ütär möğayın, ä qalğannarı soraw astında.

Ser tügel, Berdäm Rusiä haman aldınğı urınnarda tora. Başqa firqalär, säyäsi lidernı barı tik berdäm bulıp qına ciñä ala, digän fiker yañğıradı mitingta. Rodert Sadıykov isä, Berdäm Rusiä fiqase turında menä ni dide.

Ğaydar firqäse bar ide, ul vlasten kitte, firka taraldı, Çernomırdin kilde – “Naş dom Rossiä” belän, ul kitte, firka taraldı. “Oteçestvo vsya Rossiä” Gluşko, Şäymiev alarnı qurqıttılar quşıldılar “Berdäm Rusiägä”. Administrativ resursnı alsalar xäzer ük taralaçaq bu “Berdäm Rusiä”dä, çönki anıñ nigeze, tamırı, ideologiäse yuq.

Qazannıñ Ğor'ki parkında 150ләп keşe Berdäm Rusiägä qarşı çıqsalar da, soñğıları Bawman uramında zurlap, Rusiä könen bilgeli, konsertlar kürsätä, şunıñ belän bergä tağın ber qat üzen reklamalıy.

Ğädel Galämetdinov

XS
SM
MD
LG