Uzğan şimbädä Germaniädä Zur Sigezlek citäkçeläre oçraşuı tämamlanğannıñ ikençe könendä Rusiä prezidentı Vladimir Putin Piterburda iqtisadıy forum çitendä Serbiä premyer ministrı Vojislav Kostunica belän oçraştı.
Xäbärçelär aldında Putin Koştunitsağa Sigezlek oçraşuında Kosovo mäsäläseneñ niçek qaraluı turında qänäğätlek belän söylägänlegen belderde.
Ämma Sigezlek oçraşuında bu yünäleştä tärräqiät bulmadı. Rusiä BMO Iminlek Şurasınıñ zur küpçelekne albannar täşkil itkän, Serbiädän ayırılırğa teläwçe Kosovağa xalıqara küzätü astında bäysezlek birü täqdimenä tağın ber märtäbä qarşı çıqtı.
Mäskäw üzeneñ küptänge berektäşe Serbiä yağında. BMOdağı başqa illärneñ, bigräk tä Quşma Ştatlarnıñ basımı arta baruğa qaramastan Mäskäw üz qaraşınnan çigenergä cıyınmıy kebek.
Mäskäwdäge Heritage Foundations analitik üzäge mödire Yevgeniy Volk Serbiäne yaqlaw Rusiäneñ strategik mänfäğätlärenä turı kilä di.
"Bu mänfäğät Balkandağı pozitsiälärne saqlap qalu. Rusiä ğädättägeçä töbäktä soñğı berektäşe bulıp qalğan Serbiägä ışanıç bağlıy. Ägär Rusiä Kosovonıñ bäysezlegen tanısa bu bik nıq küñel qaytuğa kiteräçäk häm Serbiä zur adımnar belän başqa elekke Yugoslaviä illäre yulınnan NATO häm Yewropa Berlegenä taba kitäçäk. Ä Rusiä mönkin bulğan härtörle çara belän moña qarşı torırğa teli" di Volk.
Ämma BMO Iminlek Şurasında veto xoquqın iä bulğan daimi äğza Rusiä üzeneñ veto xoquqın qullanırğa äzerme digän sorawğa Volk "Rusiä bu mäsälädä bik kisken pozitsiä aldı häm ul härtörle adımğa, xätta BMO rezolütsiäse Iminlek Şurasında tawışqa çığarılsa veto belän kirtä quyuğa da äzer" dide.
Rusiä BMO äğzasın anıñ xökümäte rizalığınnan başqa bülüçe bu täqdim bik qurqınıçlı ürnäk bulaçaq di.
Ber yaqtan Mäskäw Serbiä belän Kosovo citäkçelären kompromiss çişeleş tabarğa çaqıra. Ä BMO moña ireşü mömkin tügel dip isäpli. Ikençe yaqtan Rusiäneñ veto quyuı häm Kosovo bäysezlegeneñ beryaqlı tanıluı Mäskäwneñ BMO belän bolay da kierenkeläşkän mönäsäbätlären tağın da naçaraytaçaq.
Kosovonıñ beryaqlı tanıluı şulay uq Rusiägä Gruziädän ayırılırğa teläwçe Abxaziä belän Könyaq Osetiäne häm Moldovadan ayırılırğa teläwçe Dnestr buyı töbägen yaqlawda östämä tayanıç bulaçaq. Bu öç töbäkneñ barısı da Rusiägä tartıla.
Rusiä Fännär Akademiäseneñ Ğömümi Tarix Institutındağı töbäklär belgeçe Atyom Ulunyan "Bu älbättä Rusiä-Yewropa Berlege mönäsäbätläre öçen şaqtı zur problema bulaçaq. Ikençedän Rusiä elekke sovetlar berlege cirlärendä üz adımnarın yasıy ala. Anda üz-üzlären däwlät dip iğlan itkän, ämma tanılmağan töbäklär buluı ser tügel" dide.
BMOnıñ başqa äğzaları tarafınnan basım arta bara. Yäkşämbe könne Italiädä AQŞ prezidentı George Bush Kosovo mäsäläsen çişärgä waqıt citte dide.
Ulunyan AQŞ belän Yewropağa bu mäsäläne tizräk çişü öçen basım yasarğa yaxşı ğına säbäplär dä bar di. Anıñ äytüençä, berençedän AQŞ üzeneñ iminlegen täemin itär öçen bu mäsäläne yıl axırına qädär çişärgä teli. Ikençedän bu Yewropadağı köçlärne berläşterügä kiteräçäk. Bu mäsälä çişelmi torıp migratsiä häm säwdägä bäyle proyektlarnı ğämälgä aşıru mömkin bulmıyaçaq.
Xäbärçelär aldında Putin Koştunitsağa Sigezlek oçraşuında Kosovo mäsäläseneñ niçek qaraluı turında qänäğätlek belän söylägänlegen belderde.
Ämma Sigezlek oçraşuında bu yünäleştä tärräqiät bulmadı. Rusiä BMO Iminlek Şurasınıñ zur küpçelekne albannar täşkil itkän, Serbiädän ayırılırğa teläwçe Kosovağa xalıqara küzätü astında bäysezlek birü täqdimenä tağın ber märtäbä qarşı çıqtı.
Mäskäw üzeneñ küptänge berektäşe Serbiä yağında. BMOdağı başqa illärneñ, bigräk tä Quşma Ştatlarnıñ basımı arta baruğa qaramastan Mäskäw üz qaraşınnan çigenergä cıyınmıy kebek.
Mäskäwdäge Heritage Foundations analitik üzäge mödire Yevgeniy Volk Serbiäne yaqlaw Rusiäneñ strategik mänfäğätlärenä turı kilä di.
"Bu mänfäğät Balkandağı pozitsiälärne saqlap qalu. Rusiä ğädättägeçä töbäktä soñğı berektäşe bulıp qalğan Serbiägä ışanıç bağlıy. Ägär Rusiä Kosovonıñ bäysezlegen tanısa bu bik nıq küñel qaytuğa kiteräçäk häm Serbiä zur adımnar belän başqa elekke Yugoslaviä illäre yulınnan NATO häm Yewropa Berlegenä taba kitäçäk. Ä Rusiä mönkin bulğan härtörle çara belän moña qarşı torırğa teli" di Volk.
Ämma BMO Iminlek Şurasında veto xoquqın iä bulğan daimi äğza Rusiä üzeneñ veto xoquqın qullanırğa äzerme digän sorawğa Volk "Rusiä bu mäsälädä bik kisken pozitsiä aldı häm ul härtörle adımğa, xätta BMO rezolütsiäse Iminlek Şurasında tawışqa çığarılsa veto belän kirtä quyuğa da äzer" dide.
Rusiä BMO äğzasın anıñ xökümäte rizalığınnan başqa bülüçe bu täqdim bik qurqınıçlı ürnäk bulaçaq di.
Ber yaqtan Mäskäw Serbiä belän Kosovo citäkçelären kompromiss çişeleş tabarğa çaqıra. Ä BMO moña ireşü mömkin tügel dip isäpli. Ikençe yaqtan Rusiäneñ veto quyuı häm Kosovo bäysezlegeneñ beryaqlı tanıluı Mäskäwneñ BMO belän bolay da kierenkeläşkän mönäsäbätlären tağın da naçaraytaçaq.
Kosovonıñ beryaqlı tanıluı şulay uq Rusiägä Gruziädän ayırılırğa teläwçe Abxaziä belän Könyaq Osetiäne häm Moldovadan ayırılırğa teläwçe Dnestr buyı töbägen yaqlawda östämä tayanıç bulaçaq. Bu öç töbäkneñ barısı da Rusiägä tartıla.
Rusiä Fännär Akademiäseneñ Ğömümi Tarix Institutındağı töbäklär belgeçe Atyom Ulunyan "Bu älbättä Rusiä-Yewropa Berlege mönäsäbätläre öçen şaqtı zur problema bulaçaq. Ikençedän Rusiä elekke sovetlar berlege cirlärendä üz adımnarın yasıy ala. Anda üz-üzlären däwlät dip iğlan itkän, ämma tanılmağan töbäklär buluı ser tügel" dide.
BMOnıñ başqa äğzaları tarafınnan basım arta bara. Yäkşämbe könne Italiädä AQŞ prezidentı George Bush Kosovo mäsäläsen çişärgä waqıt citte dide.
Ulunyan AQŞ belän Yewropağa bu mäsäläne tizräk çişü öçen basım yasarğa yaxşı ğına säbäplär dä bar di. Anıñ äytüençä, berençedän AQŞ üzeneñ iminlegen täemin itär öçen bu mäsäläne yıl axırına qädär çişärgä teli. Ikençedän bu Yewropadağı köçlärne berläşterügä kiteräçäk. Bu mäsälä çişelmi torıp migratsiä häm säwdägä bäyle proyektlarnı ğämälgä aşıru mömkin bulmıyaçaq.