Accessibility links

дүшәмбе, 5 декабрь 2016, Казан вакыты 15:41

Tuqay turında “121” fil''mı töşerelde


Çärşämbe könne Qazannıñ Möştäri uramındağı “Mayakovskiy. Sarı kofta” klubında Ğ.Tuqay tormış häm iıat yulın yaqtırtqan yaña fil'mnı berençe tapqır tamaşaçılarğa kürsätelde. Rejisser Salawat Yuzeev, prodyuser Marina Galitskaya, redaktor İldus Äxmätıanov tarafınnan töşerelgän älege fil'm zur aqçalar häm ataqlı sänğätkärlär köçenä tayanmasa da, milli kino üseşeneñ yaña basqıçı bulır dip kötelä.

Tatar xalqınıñ böyek şağire Ğ.Tuqayğa bağışlanğan fil'mnıñ iseme dä üzençälekle, ul “121” dip atala. “İnnovatsiä” studiäse tarafınnan eksperimental' räweştä töşerelgän Ğ.Tuqay turındağı berençe qısqa metrlı fil'm tulısınça irekle ruxlı keşelärneñ xezmät cimeşe. Rejisser Salawat Yuzeev töşergän fil'm Ğ.Tuqay turında bit, nişläp “121” dip atala diyüçelär dä bulır. Berençedän, monı şağir tuuına 121 yıl tulu belän añlatsalar, ikençedän, xalıq yurawlarına qarağanda bu san uñış kiterä torğan bulıp sanala ikän.

25 minut däwamında barğan fil'mda tatar xalqınıñ kürenekle şäxese, şağir Tuqaynıñ ijadi eşchänlege, ul yäşägän möxit, anıñ belän aralaşqan şäxeslär, ıämğıyat tasvirlangan. Tarixi şäxeslär arasında barğan söylämnär Tuqay köndälegenä, F. Ämirxanğa yazğan xatlarına häm zamandaşlarınıñ xätirälärenä nigezlängän.

Fil'm qısqa metrajlı ğına tügel, ä qısqa byudjetlı da. Anı töşerü öçen Tatmediä agentlığınıñ maxsus grantı alınğan. Şağirneñ icatı tormışı turında söyläwçe bu fil'm kısqa bulsa da näfis sänğät janrına yaqın. Fatix Ämirxan rolen başqaruçı İskändär Xäyrullin xäzergä fil'mnf ber tapqır da kürmägän. Şunlıqtan ul bu qatlawlı icadi xezmätneñ nindi räweştä kilep çığuın soñğı köngä qädär dulqınlanıp kötte. Ä Ğ.Tuqay rolen başqarğan İl'dus Ğabdraxmanov şağir obrazına şul qädär kergän, xätta aña grim dä yasarğa kiräk bulmağan. Ul da premyera mizgellärenä qädär fil'mnıñ nindi bulaçağın küz aldına kitermi.

Bu tapşıru berençe tapqır efirğa çıqqanda 121 fil'mın yözläp maxsus çaqırılğan tamaşaçığa kürsätü başlanaçaq.

Küp millionnar sarıf itep tarixi fil'mnar toşerelsä dä, milli sänğät'ne- bu töre gel uñışsızlıqqa oçrıy. Şuşı köngä qädär tatarnıñ näfis kinosı yuq dip sanala. Sarı kofta dip atalğan klubta 13 iyün könne oyıştırılğan kino premyerası tarixqa kerergä däğwä itä.

İlmira Gazizova

XS
SM
MD
LG