Accessibility links

якшәмбе, 4 декабрь 2016, Казан вакыты 21:32

Samarradağı şartlawdan soñ wäzğiät tınıç


Samarrada bulğan häm Al-Äskär mäçeteneñ 2 manarası cimerelüenä kitergän şartlawdan soñ, Ğıraq xakimiätläre Bağdadta häm Samarrada kommendant säğäten kertte. Xäzergäçä başqa höcümnär bulmadı

Samarrdağı şiğilär öçen izge bulğan altın mäçet cimerlgännän soñ, wäzğiät şaqtıy tınıç bulıp qala. Ğıraq xakimiätläre tiz arada çaralar kürde, Bağdat häm Samarrada komendant säğäte kertelde, uramğa tikşerülär öçen, AQŞ häm Ğıraq xärbälärennän zurraq törkemnär çıqtı, şiğilar tuplanıp yäşägän Sadr bistäsenä iltüçe yulda tikşerü urınnarınıñ sanı arttırıldı. İminlek çaraları qırıslatılsa da, qayber cirlärdä mäsxäbara bäreleşlär bulğan. Basradağı politsiä wäkilläre beldergänçä, bu şähärdäge sönni mäçetlärgä atqan bulğannar. Çärşämbedä bulğan höcümdä 4 keşe üterelgän häm 6 yaralanğan bulğan. Samarradağı şartlawğa berniçä säğät ütügä, Bağdad tiräsendäge sönni möçetlärgä dä höcüm bulğan. Läkin bu xällär, Samarrda yıl yarım elek bulğan ikençe ber şartlawdan soñ başlanğan mäsxäbara qan qoyışqa oxşamağan. Moña şiği citäkçe Moqtada Al Sadrnıñ tınıçlıqqa çaqıruı üz täesiren yasağan, dip uyanıla. Anıñ suğışçıları, ütkän yulı, qatı mäsxäbara bäreleşlär belän kisätkän ide. Al-Sadr üze kiçä, nindi dä bulsa möselmannıñ, sönnime ul, şiğıymi ul, altın mäçetkä höcüm itä aluyına ışanmawın beldergän ide. Bu höcümdä ul AQŞnı ğäyepläde. Şul uq waqıtta Al-Sadr, anıñ tarafadarı bulğan 30 deputat, mäçet törğızılğançığa qädär protest yözennän parlamenttağı eşçänlegen tuqtataçaq, dip tä xäbär itte. Ğıyraq Premyer ministrı Nuri-Al Mäliki bu eşne tikşerergä wäğdä itte. Xäzerge waqıtta möçetneñ ni däräcädä saqlanğanı bilgele tügel. Samarra şähär keşese “Reuters” ağentlığına bolay digän ide: ‘Möçettäge şartlawlar säğät tuğızda buldı. Mäçet saqlana ide. Mäçetne kem şartlatqan, bez belmibez. Bu politsiäneñ eşe ide, iminlek öçen alar cäwaplı ide. Berençe manara 9.00 da şartladıldı, annan, 10 minuttan soñ ikençese şartlatıldı. Kommendant säğäte dä bar ide. Möçetne kem şartlattı, bez belmibez. Bez bu turıda sorağaç, bu terrorçılar eşe tügel didelär.”

Kürengänçä, küp sorawlar hamanda cäwapsız bulıp qala
XS
SM
MD
LG