Accessibility links

якшәмбе, 4 декабрь 2016, Казан вакыты 15:21

Fälästindä watandaşlar suğışımı başlana?


Hämäs häm Fättax suğışçıları arasında başlağan bäreleşlärdä 50läp keşe xälaq buldı. Bu waqiyğadañ soñ, Fälestindä watandaşlar suğış başlana mı? digän soraw yış yañgırıy başladı. Fälästinneñ töp ike säyäsi törkeme arasındağı bäreleşlär, ike türä Hämäsnıñ Fälästin Prezidentı Fattaxnıñ Mäxmüt Abbas belän Fättaxnıñ Fälästin Premyer Ministrı İsmağil Haniya yortına da tide.

Ğazza sızığındağı, Hämäs belän Fättax suğışçıları arasında bulğan bäreleşlär inde 3nçe kön däwam itä.

Läkin ike arada atışlarnı tuqtatırğa çaqırular däwam itsä dä, bäreleşlärne tizdän tuqtatu teläge bik az.

Fälästinlelär ber-bersen üterä, bu bik qızğanıç. Minemçä bu watandaşlar suğışına äwerelep bara. Çönki soñgı 3 köndä, Fälästinlelär tarafınnañ 55 keşe üterelde“

Fälästindäge xalıqara keşe xoquqların küzätüçe törkem başlığı, Basem Äydneñ Azatlıq Radiosına birgän bu süzlärennäñ soñ, Tönyaq ğazzadağı Hämäs suğışçıları, köndäşläre bulğan Fättax törkemen 2 kön qorallarnı qullanmasqa çaqırdı. Hämäs belän bäyläneşe bulğan radio xäbärlärenä qarğanda, İslamçı suğışçılar ägär Fättax iminlek köçläre Comğa könne säğat 7gäçä qoralların taşlamasalar, qoralların köçläp qullarınnañ alınaçağın belderde.

Tışqı eşlär ministrı Ziad Ebu Amr, bügen köç qullanu könbatış yarına xätle taralırğa mömkin dip belderde.

Alar nigä suğışa? Hämäs belän Fättax, 4 distä yıl däwam itkän Fättax xaqimiäte sünep, bıltır Hämäsnıñ Parlament saylawlarında cinep çığıunnañ soñ ike arada xaqimiät öçen köräş ber qabınıp ber sürelep kitä.

Äyd bu bäreleşlärneñ maqsatıñ, köç küräşe belän bäyle:

Üz aralarında suğışqan bu köçlär, Ğazza sızığında üz köçen urnaştırırğa tırışa dip ışanam. Kem tağın da köçleräk digändäy.”

Bäreleşlärne tuqtatu öçen bulğan kileşülärdä aradaşçı, Misır Tışqı eşlär Ministrı Äxmäd Äbü Ğäyt, ike tarafınıñ dä kileşü öçen söyläşergä teläk beldermäwlären äytte. Sişämbe könne mäğlümat çaralarına birgän belderüendä ul, bolay dide:

"Bu eştä Fälästinnär belän bergä yäşeren köçlärneñ dä cäwaplılığı bar. Äğär dä bu yäşeren köçlärneñ eşe ikän, häm bez yäşeren köçlärneñ buluın beläbez, bu oçraqta fälästinlelär, soñgı 20 yılda üzläre öçen tırışqan barlıq qazanuların yuğalta baruların yaxşı anñlarğa tiyeşlär."

Fälestenlelär, xaqimiätkä Hämäs kilgännäñ soñ, İzrailne cimerüne tuqtarırğa digän çaqırularnı kire qağuı arqasında, Xalıqara yärdemnäñ mäxrüm qaldı. Mäğlümat çaraları, Hämäsnıñ qatı torğanı öçen, Amerika häm İzrail İslamçı xäräkätne tuqtatırğa teli digän xäbärlär yış yañgırıy.

Songı arada, Fälestenlelärgä xalıqara yärdemne däwam itterergä çaqırular yañartılsa da, tınıçlıq urnaştırılğançığa qadär bu çaqırularğa iğtibar birelüe ixtimalı bik keçkenä.

Metin Karimaz
XS
SM
MD
LG