Accessibility links

шимбә, 3 декабрь 2016, Казан вакыты 16:49

Açıq mikrofon: Sez nindi matbuğat yazdırasız, närsä uqıysız?


- Bez tatar matbuğatın uqıybız. “Tatarstan xäbärläre” gäziten yazdırıp aldırabız. Uqıym maxsus. Anda bügenge kön turında kilä torğan matbuğat yazmaları, annan soñ säyäsät yaqları bik açıq küreneş taba ul gazetada. Bezneñ gäzit inde ul xäzer. Milli temalarnı çağılıştırırğa kiräk , ämma yazmalar bik zur urın alırğa tieş tügel gäzitlärdä, dip uylıym min.

- Yuq yazılmadıq . Waqıt yuq. “Söyembikä” jurnalın beläm.

- “Tatarstan yäşläre”n yaratam . Anda tormış, mäxäbbät turında yazmalar bar. Kübräk xatın uqıy, ul yäşräk bit. Min iñ axırğı biten uqıym.

- Berne dä aldırmıybız . Balalarğa närsäder aldırabız , ämma min uqımıym. Rusçada uqımıym , tatarça da uqımıym.

Mäğlümatnı qaydan alsız ?

-Keşe söyläşä bit inde , şunı tıñlıysıñ da, şul citä. Ansı lutçıraq.

- “Qazanskie vedomosti” çönki anda Qazan yañalıqları, Rusiä yañalıqları häm xalıqara yañalıqlar da bar.

- Bernindinedä aldırmıybız. Kiosktan satıp alabız “Söembikä” jurnalın. Gäzitlärne uqığan bar da , ämma isemnären belmimen. “Watanım Tatarstan”, “Respublika Tatarstan” alarnı uqığanım bar . “Bezneñ gäcit” digän gäziten uqığanım yuq.

-Bez tik İslam buyınça ğına , dini jurnallarnı ğına uqibız. “Menaret” digän jurnal . “ İslam- İnfo” digän gäzitne ike teldä uqibız. “Söläymän” mäçetendä çığa “Qibla” jurnalın alğalıybız qaywaqıtta , uqığanıbız bar. Tatarstanda çığa andıy jurnal.

- Bez institutta uqıybız. Waqıt yuq .

Min uqıym. Bez elek aldıra idek “Azat xatın” jurnalın. Min şul jurnalnı alırdırır idem. Bez Qazaqstanğa küçep kitkän idek, äle xäzer kire äylänep qayttıq. Qaytqaç, yazdırmadım äle . Tatarçaların uqığanım yuq äle.

- “Telesem'” gäziten uqıybız. Anda yoldızlar turında yazalar. Min Kemerovo şähärennän kildem qunaqqa.-

- Tatarça gäzitlärne awılğa qaytqaç uqibız. “Yalqın” jurnalın , “Tatarstan yäşläre” gäziten uqıybız. Muzıka yañalıqları turında gömümän, yäşlär turında uqıybız. Soñğı tapqır qayçan, närsä turında uqığan istä tügel. Xäzer sessiä waqıtı imtixan biräbez, gäzitlär uqımıybız da.

Mälikä Basıyr

XS
SM
MD
LG