Accessibility links

чәршәмбе, 7 декабрь 2016, Казан вакыты 19:25

Beräwlär investorlarnı qua, ikençeläre awılğa kilüen kötä


14 iyündä Yäşel Üzän xalqı Tatarstan prezidentın Däwlät Şurası utırışına barğanda yulın büldelär. Xalıq cirlärne üz qulına alğan “Qızıl Şärıq” oyışmasın tänqitläde. Tatarstan citäkçese piketçılar yağına da, “Qızıl Şärıq” yağına da awışmıy, urtalıq tabırğa tırışa. Yäşel Üzän rayonı Kügäy awılı xalqınıñ rizasızlığı turında bez aldağı tapşırularda äytep kitkän idek inde, Mintimer Şäymievnıñ yulın bülep alar närsägä ireştelär ikän soñ? Yäşel Üzän xalqınıñ Tatarstan prezidentı belän oçraşuınnan, investorğa qarata äytkän tänqitlärennän soñ yaña üzgäreşlär bulmağan mikän dip respublikanıñ awıl xucalığı ministrlığına möräcäğät itkän idek. - Ägär dä andıy çaralar bulsa, prezident qatnaşsa ministrnı kürsätmibez. Prezident süze süz bit inde. Annan uzıp bernärsä äy almıybız, ul bit däwlät başlığı. Ministr säfärdä berençe urınbasar alardan uzıp närsä äyter ikän?!- didelär bezgä Tatarstan awıl xucalığı ministrlığı xezmätkärläre. Mintimer Şäymiev piketçılar belän söyläşkännän soñ Däwlät Şurasında añlatma birgänçe Tatarstanda investorlarnıñ 2mln. gektar cirdä eş alıp baruların iskä alıp kitä häm mondıy süzlär citkerä. Anıñ çığışınıñ küpmeder öleşe respublikanıñ“İntertatru” elektron saytınnan alındı: - Bu üz-üzen aqlıy, investorlar ğöref-ğadätlärne saqlap eşli. Xalıqnıñ yäşäw räweşe üzgärä. Cir belän bäyle mä’säläne säyäsiläşterergä yaramıy! – di Şäymiev. Prezident fikerençä, paylar satuda bulğan problemalar belän xoquq saqçıları şöğellänergä tieş ikän. - Mondıy xällärneñ saylaw aldınnan buluı tabiği xäl. Qarşılıq kürsätüçelär dä bar. Alarnı, bu payçılardır inde, xärbi xezmättän yalğa çıqqan berniçä keşe qotırta. Awıl ülep bara. Sez anı investorlardan başqa ayaqqa bastırıp qarağız! – dip qırt kisä Şäymiev. Yäşel Üzänneñ Kügäy awıl xalqı investor kilügä qarşı. Alar “Qızıl Şärıq” oyışmasın üz cirlären qanunsız räweştä tartıp aluda ğaeplilär. Şuña da piket uzdırıp respublika prezidentınıñ yulın bülälär. Bu mäs'älä buyınça bıyıl mäxkämä utırışı da bula. Läkin mäxkämädä, prezident belän oçraşuda Yäşel Üzänlelärgä faydağa bulmıy buğay. Mintimer Şäymiev ta awıllarnıñ ülep baruın tanıy, kümäk xucalıqlarnı da tarattılar. Beräwlär investorlarnı qusa ikençe awıllar alarnıñ kilüen kötä. - Yaxşı investor bulsa räxätlänep qarşı alır idek!- di Balıq bistäse rayonınıñ 700 yaqın xalqı bulğan Küki awılı başlığı Mäwlä İsxaqov Bu yaqlarğa investorlar kilmäsä dä awıl xalqı qul quşırıp utırmıy. Berniçä fermer xucalıqları barlıqqa kilgän, börtekle kul'tura, peçän çäçkännär. Xäzer üz cirlärendä mäş kilälär. Röstäm İsxaqi

XS
SM
MD
LG