Accessibility links

Кайнар хәбәр

Açıq mikrofon:Sez üzegez genä däwalanasızmı, yäisä tabipqa barasızmı?


Tabipqa yöribez , qänäğät teş quydırğan idem yıl yarım çaması elek.

Salqın tigändä üzebez dä nindi antibiotik eçärgä ikänen beläbez inde. Ginekologqa berär nindi borçu bulsa ğına barabız. Qış köne barğan idem soñğı tapqır.

Üzem genä däwalanam. Limon belän çäy eçäm. Böten awırudan da Ber 30 çäşke çäy, könneñ buyına. Vraçlarğa yörergä propiska yuq Qazanda , polis bar, min Çallıdan kildem, studentlar poliklinikası bik yıraq yörergä .

Min sälämät barğanım da yuq . Barmıym da.

Bulnisqa da yörim min üzem. Ämma menä 4 yıl eçendä inde barğanım yuq vraçqa. Awırğanım yuq. Miña 22 yäş. Minem ätiem sudmedekspertizada eşli . Barıber, alarnıñ da bäyräme bulıp çutlana inde bu kön.

Minem tuğannarım arasında üzläre genä däwalana torğan keşelär bar. Yöräk awıruların, buın awıruların üzläre genä däwalağan.

Äbi-babaylar däwalawına niçek qarıysız?

Bik äybät qarıym. Min üzem şundıy oçraqqa turı kilgän idem. Minem barmaq qaymığıp döres utırmağan ide. Tabiplar bernärsä dä eşlätä almağaç, ber äbigä bardım. Ul barmaqnı äzräk sıladı da utırtıp ta quydı. Şaqqatqan idem şunda.

Minem dus qızımnıñ änise tabip. Min aña baram härwaqıtta.

Min poliklinikağa yörim. Minem üzemneñ tabibım baş awırtsa da, min aña şaltıratam, ul miña kiñäş birä . Närsä aşarğa, närsä eçärgä, qayçan aşarğa.

Äbilärgä ışanmıym. Andıy äbilärdän awıru tağı da kübräk. Min 30 yıllap inde propolis eçäm. Bazardan alam da , araqı da cebetäm dä, häm ul kon'yak şikelle bula. Anı min ber bal qaşığı salam krujkağa, yartı krujka su salam. Ul söt şikelle bula. Min anı irtä- kiç eçäm. Min elek aş qazanı awıruı belän bik awırıy idem. Xäzer awırtmıy inde. Annan soñ min Strel'nikovanıñ tın alu buyınça gimnastikası belän şöğellänä idem, buılu awıruınnan ul bik bulışa.

Mälikä Basıyr

XS
SM
MD
LG