Accessibility links

чәршәмбе, 7 декабрь 2016, Казан вакыты 15:29

“Gazprom” belän “Kazanorgsintez” duslaşsa da, gazğa baya artaçaq


“Gazprom” belän “Kazanorgsintez” şirkätläreneñ 3 ay ber-bersenä üpkäläşkännän soñ, qabat dustanä mönäsäbät başlap cibärüläre turında ber söylägän idek inde. Xäzer, Orenburg Gazprom yänä, Qazan şirkäten etan belän tä'min itä başladı. Matbuğat oçraşuında, jurnalistlar Röstäm Miñlexanovqa iñ kübe yaña kileşüneñ şartları turında soradılar. Premyer-ministr, üz çiratında cawap birmiçä, bu mäğlümatlarnı yabıq dip belderde. Anıñ qarawı Gazpromda kergän “Sibkr-xolding” şirkäte wäkilläre, bu sorawnı inqar itmiçä sorawğa cawap birgännär. Bu turıda iqtisat belgeçe Änwär Malikov söyli.

Gazprom wäkilläreneñ äytüençä bügenge köndä «Sibur xolding» şirkäte «Orgsintez» beläm elekke elemtälärne Kire urnaştırğan. Dimäk Gazpromnan kilgän etannıñ yartısın Qazan şirkäte eşkärtep Kire qaytara, qalğanın sata. Mondıy kileşü 2008 yılğa xätle däwam itäçäk.

Gazprom Qazan şirkäte belän mönäsäbätlärne caylağaç, qayber belgeçlärdä, şul räweşle Rusiä şirkäte, Orgsinteznı üzeneke itergä uylamıy mikän digän soraw tua başladı. Änwär Malikov äytüençä, Orgsinteznı tulısınça satıp aluın almaslar, ämma şulay da comğa uzğan matbuğat oçraşuında Röstäm Miñlexanov kapital turında süz quzğatqan.

Utırışta premyer-ministr, ike şirkätneñ dä kapitalda qatnaşuı turında äytte. Läkin nindi formada ikänen äytmäde. Farazlap äytergä bula, möğayın Gazprom “Kazanorgsintez” aksiälären alaçaq.

Anıñ qarawı Tatarstan citäkçelegeneñ Orgsinteznı Ruisya şirkätenä biräseläre kilmi. Röstäm Miñnexanov äytüençä, Gaspromga respublikada yaña şirkät tözügä qarağanda bezneñ Orgsintez belän eşläwe qulay. Şulay uq xökümät citäkçese, alağa taba Gazprom citäkçelege belän söyläşülären alıp barıp bu ölkädä eşlärne däwam itterergä kiräklegen äytte.

Orgsinteznı satuın-satmaslar da, ä menä Tatarstanda häm ğomumän Rusiädä gazğa bäyälär artırğa mömkinnär. Tatarstan belgeçläre monı Gazpromnıñ Yevropadağı xäle belän bäyli.

Bügenge köndä Rusiä monopolistı, Baltıyk diñgeze astınnan torba suzıp, Germaniäne gaz belän tä'min itärgä uylıy. Bu mäs'älä buyınça Gazprom berniçä çit il şirkäte belän kileşülär tözegän inde. Ämma mondıy kiñ küläm proyektta qatnaşu Gazprom nıq xaläten qaqşatırğa mömkin. N'yus ru qom säxifäse yazğança, şuşı könnärdä Yevropa berlege komissarı Neele Kroes- ägär dä Yevropa berlege energetikasın üzgärep qoruınıñ planı qabul itelsä, Gazpromğa Yevropada üz quäten satırğa kiräk bulaçaq, hä ul gaz citeşterü, transportlaştıru häm satu ölkäsendä monopolist bulıp qala almıy. Ägärdä Rusiä şirkäte bu şartnı qabul itmäsä, ul yaña gaz yulın salu eşendä qatnaşmayaçaq. Bu mäs'älädä Rusiä mänfagatläre turında Änwär Malikov menä ni dide.

Älbättä Rusiä şirkäteneñ, üz monopolizmı belän başqalar belän büleşäse kilmi, çönki moña qädär gazğa bäyäne ul bilgeli ide. gaz citkerü yulları belän başqalar da idärä itsä, äytik Qazaqstan, Törekmänstan, Ğiraq şirkätläre, bu waqıtta, köndäşlek artasaq. Moñarçı Gazprom baznı başqalardan arzanğa satıp alıp qimmätkä satsa, xäzer ul bolay

eşli almayaçaq.

Ber qarasañ Yevropadağı xällären Tatarstanğa qağılışı yuq tösle, ämma çıyınlıqta bar, Änwär Malikov alarnı menä nidä kürä.

Ägär dä Rusiä şirkäte baznı çit ilgä cibärä başlasa, Rusiä respublikalarına, şul isäptän Tatarstanğa da gaz citep betmäskä mömkin, häm älbättä tovar äzäyä ä aña soraw zuraya ikän, dimäk anın bäyäse dä artaçaq, min uylıym ul dön'yaküläm bilgelängän bäyälär bulır, älbättä, ul gaznıñ bügenge kön bäyälärennän kübräk. Ägärdä Gazprom respublikalarğa kitkän gaznıñ bäyäsen kütärmi ikän, ul anı çit ilgä satunı qulayraq küräçäk, dip belderde iqtisat belgeçe Änwär Malikov.

Ğädel Galämetdinov

XS
SM
MD
LG