Däülät Yıyılışı - Qoroltay deputattarı respublikanıñ aldağı 2008–se yılğa byudjet dokumenttarın qaray başlay. Bıl turala qarar Qoroltay Prezidiumınıñ sirattağı 76–sı ultırışında qabul itelde. ,,Başqortostan Respublikahında byudjet barışı xaqındağı,, zakonğa yaraşlı, deputattar ös kön esendä byudjet proektın qaray başlau turahında qarar qabul itergä teyeş. Konstantin Tolkaçev beldereüensä, bıl mäsälä buyınsa Qoroltay Sekretariatınıñ xoquqi hığımtahı äźer. Qarar qabul iter aldınan, Prezidium ağzaları Xökümät Premer–ministrı urınbaśarı, finanstar ministrı Ayrat Ğäskärovtıñ byudjet dokumenttarı proekttarı turahında mäğlümäten tıñlanı. Ayrat Ğäskärov xäbär iteüensä, federal kimäldäge yañılıqtarğa yaraşlı, 2008–se
yıldan respublikala ös yılğa iśäplängän finans planı la qabul itelä. Här yıldağısa, yıldıñ töp finans dokumentında sotsial yünäleş haqlana. Prezidium ağzaları ,,Başqortostan Respublikahınıñ 2008–se yılğa byudjetı xaqında,, zakon proektı häm uğa bäyle başqa dokumenttarźı Däülät Yıyılış – Qoroltayźıñ 11–se iyuldä uźasaq ultırışında qaray başlarğa kileşte. Uğa tiklem byudjet proektı daimi komitettarźa häm Prezidium ultırışında la tikşereläsäk.
