Bögön Başqort däülät opera häm balet teatrında yaqtaşıbıź, balet sänğäteneñ sağıu yondoźo Rudolf Nuriew isemendäge xalıq-ara balet sänğäte festivale başlana. Sara bıyıl 13-sö tapqır oyoştorola. Bay tarixlı häm abruylı xalıq-ara festivaldeñ matur yolahına yaraşlı ul prem`era menän asıla. Bıyıl Başqort däülät opera häm balet tetarı tamaşasığa ,,Baqsaharay fontanı,, tip atalğan spektaklen täqdim itä. Unıñ quyıusı rejisserı Şamil Tereğolov. Bıyılğı festival üźensälektäre turahında ul bına nimä tine.
Qırım xanı Gäräy, Zarema häm Mariya. Bıl möxäbbät ösmöyöşöndäge waqiğalarźı 19-sı häm 20-se iyundä qaray alahığıź. Bıyıl Rudolf Nuriev isemendäge xalıq-ara balet festivale säxnähenä berense tapqır Perm teatrı beyeüseläre lä sığa. Ular Öfö tamaşasıhına Amerika xoreoğraftarı quyğan balettı täqdim itäsäk. Festival 25-se iyundä ğala-kontsert menän tamamlana. Rudolf Nuriev isemendäge 13-sö xalıq-ara balet sänğäte festivale Başqortostan menän Räsäy berźämlegeneñ 450 yıllığına arnalğan 78 tantanalı saranıñ berehe. Ularźıñ 31-e mäźäni yünäleştä. Räsmi isemlekkä inderelgän vaqiğalarźıñ küptäre uñışlı atqarılğan tip xäbär itälär respublikanıñ mäźäniät häm milli säyäsät ministrlığınan. Sirattağı möhim bayramdarźıñ berehe – 30-sı iyundä Mäskäüźä ütäsäk Başqortostan köndäre. Ä sentyabrźıñ huñğı köndärendä Başqortostan xalıq-ara Aqsakov köndäre qunaqtarın qarşılayasaq. Ä oktyabrźa sänğät höyöüselär iğtibarına Zahir İsmäğilovtıñ danlı ,,Ural ilseläre,, operahın äźerlänä. Ütkän bıuattıñ 80-se yıldarında źur uñış yaulağan äśär Başqortostandıñ Räsäygä quşılıuına 450 yıllıqtı bildälägändä yañınan tıuğan säxnähendä quyılasaq.
