Accessibility links

сишәмбе, 6 декабрь 2016, Казан вакыты 23:03

Awılğa internet kiräkme?


Saban tuylar inde uzıp kitsä dä, Balıq bistäseneñ Bätke häm Yantıyk awılı keşeläre, düşämbe üzläreneñ matur-matur kiemnären kiep, uramğa çıqtı. Tatarstan baş qalasınnan zur qunaq, ministr kilgän bit. Elemtä häm mäğlümatlaştıru ministrı Färit Fazıylcanovenıñ bu awıllarğa kilüe, monda yaña taksofonnar urnaştıru häm internet çeltären kertü belän bäyle ide. Süz dä yuq, awıllılar şähärlelär kebek ük ber däräcädä mäğlümatlı bulırğa tieş. Awılnıñ üzendä äle yunle yullar bulmasa da, xalıq awıl urtasında ğorur basıp toruçı taqsоfonnı üz itte, bigräk tä äbilärgä oşadı ul. Ä yul digändä, alarnıñ naçar xälendä buluın, ministr üze dä sizgän. Bu turıda ul menä ni dide.

Awıl xalqı aldında yasağan çıgişımda min iñ elek yullar turında äyttem. “Sezgä xätle köçkä kilep cittek, ämma şulay da bez elemtäçelär bularaq Tatarstan xökümäte tarafınnan quyılğan üz wazifalarıbıznı tulısınça ütibez didem.” gaz ütkärelde, ut, su bar, internet kerttek, yullarnıñ da yaxşırtıluın teläk bularaq äyttek.

Ministr äytüençä, taksofonnar urnaştıru eşlären tulısınça Tattelekom şirkäte başqara. Şunı äytergä kiräk bu awılda, ul mäçet yanında uq urnaşqan. Monıñ neçkä sere yuq ta tösle. Ämma Tattelekomçılarnıñ ber bersenä küz qısışqannarında mondıy mäğnä salınğan tösle. Yänäse “Namaz köngä biş uqıla bit, dimäk, taksofon härçaq küzgä taşlanıp toraçaq”. Ä küp kürengäç, dimäk küp söyläşäçäklär, dimäk kübräk aqça kiteräçäk. Awıllarda yaña taksofonnar urnaştıru kiräkme, älä bu tağın ber qat xalıqtan aqça cıyu ısulı ğınamı digän sorawğa Bätke awılı urta mäktäbe direktorı, üze dä bu tantanada qatnaşqan Niğmätullin Räis äfände bolay dide.

Minem öyemdä telefon bar, mäktäbemdä internet bar, miña älbättä kiräk tügel ul, läkin bit awılda böten keşe minem kebek mäktäp direktorı tügel, böteneseneke internetqa kerü mömkinlege dä, mineke kebek xezmät xaqı da yuq. Az keremle ğailälärgä, komp'yuter ala almıy, internetqa kerä almıy torğannarğa bu bik qulay. Äle monda uqıtuçılar qullana ala, studentlar qayta alar qullanır, küz buyaw ğına tügel inde bu. Bu äle başı ğına , awıl sayın şulay bulaçaq.

Mäktäp direktorı älege mä’säläne xuplasa da, awılda qayberäwlärgä, bu taksofonnar ällä bar ällä yuq. Alarnıñ kiräklegen dä alar bik sizmi. Mäsälän, Bätke awıl xakimiätendä eşläwçe Gölsirä apa şundıylardan. Taksofonnarğa qarata ul bolay dide.

Härber öydä, telefonnar bar mondıy taksofonnarnı nindi mäğnädän çığıp quyğannardır añlaşılmıy.

Awıllılarnıñ Taksofonnar urnaştıruğa sarıf itelgän aqçalar yul saluğa totılsa yaxşıraq bulır ide digän fikerlärenä Räis Niğmätullin bolay dide.

“Tattelekom” yäisä Minsvyazneñ aqçasın yulğa küçerergä bezneñ xäldän kilmi inde ul. Birelgän ikän inde, milli proyekt buyınça bu aqçalar, Ministr bu aqçalarnı şul maqsattan tota ikän dimäk bu döres. Minsvyaz' yul salsa, “Tatavtodor” elemtä kertsä bu döres bulmıy bit inde. Här keşe üz eşen eşlärgä tieş.

Bügenge köndä mondıy taksofonnar, yaqınça Tatarstannıñ 100 awılında urnaştırılğan. Döres alarnıñ härbersendä awıl xalqı anıñ belän qullana almıy ikän, ministr här awılğa barıp öyrätep yörmi şul. Äytik mäsälän, Teläçe rayonı Balıqla awılı keşeläre taksofonnan söyläşer öçen maxsus kartoçkalar taba almıy ikän. Taqsofonnarni Tatarstan awıllarında urnaştıru alğa taba niçek däwam iteläçäge turında ministr Färit Fazıylcanov söyli.

Ağımdağı yulnıñ sentäberenä xätle, 2668 universal' taksofonnar urnaştıru, häm 831 internetqa kerü büleklären açu plannaştıyrıylgan.

Awıllarğa yaña texnologiälärne kertü kıybbatmı häm qulaymı. Qibatın qibat, bu eşkä kitäçäk tögäl sannarnı citäkçelek xätta äytmi dä. Ä menä qulay mikän. Kem äytmeşli bezgä qullanası tügel, awıl xalqına, ä alar bügengä äle monı bik qulay häm uñaylı dip uylıy.

Ğädel Galämetdinov

XS
SM
MD
LG