Accessibility links

Tatarstan belän Çexiä elemtäläre nığıy


Çınnan da Çexiädä çıqqan “Shkoda” inomarkasında utırıp qarawçılar küp ide. Yaltırawıqlı, kömeş töstäge bu maşinalar iğtibarnı ällä qaydan cälep itä. İnomorqalar yanında basıp toruçı çibär qızlar basıp torğaç olığaya başlağan abzıylar da maşinalar qırıyında böterelep kenä yöri. 19 iyündä Tatarstan başqalasındağı “Qazan yärminkäse”ndä açılğan “Rüsiä üzägendä avtomobil'” isemdäge 12нче xalıqara kürgäzmä törle millät, törle yäştäge keşelärne ber mäydanğa cıydı. Oyıştıruçılar uzğan yıl isä bu zamança texnikalar yärminkäsendä 22 meñgä yaqın keşe qatnaştı di. Maşina qararğa kilgännärneñ kübesen Çexiä eşlängän pıyala, zärkän, аudіо - video cihazlar da cälep itte. Çönki maşina kürgäzmäse qısalarında Çexiä tovarların täqdim itü buldı. Monıñ öçen Yevropadan kilgännär Qazan yärminkäseneñ 5nçe pavilyonın üz tovarları belän tutırğannar. Qazan kirmänendäge prezident utıra torğan binağa Çex pıyalasınıñ quyıluı turında Çexiä respublikasınıñ Rusiädäge ilçese bu kürgäzmägä kilgännärgä üze äytep tordı. Çexiädän kilgän qunaqlar belän Tatarstan türäläreneñ cıyılıp söyläşüe 20 iyüngä qaralğan. “Anda bezneñ eşmäkärlär belän Tatarstan eşmäkärläre oçraşıp söyläşäçäk” – dide Çexiäneñ Rusiädäge ilçese. Aña qädär isä çit il qunaqlarınıñ respublika citäkçeläre belän ayırım-ayırım aralaşırğa, ber-bersenä ideyälären, plannarın täqdim itergä waqıtları buldı. Qazan yärminkäsenä Tatarstannıñ İqtisat, sänğät ministrlığı wäkillärennän tış, yäşlär eşläre häm sport ministrı, fännär akademiäseneñ bilgele äğzaları da kilgän ide. Respublikanıñ eşmäkärläre isä alarğa Tübän Qama çığa torğan “Oqa” maşinasınıñ elektr akkumulyator belän genä eşli torğan markasın maqtadı. Röstäm İsxaqi
XS
SM
MD
LG