Accessibility links

пәнҗешәмбе, 8 декабрь 2016, Казан вакыты 05:16

“Berdäm Rusiä” aldağı saylawlarda üz yazmışı öçen borçıla başladı


Berniçä atna elek, näk Rusiä köne bäyrämendä, uñ säyäsätçelär, “Berdäm rusiä” firqäsenä qarşı miting oyıştırğannar ide. Bu çarada qatnaşqan ber säyäsät belgeçe, ul waqıtta bolay digän ide.

Rusiägä aq atqa atlanıp kerergä teläwçe, böten oppozitsion liderlar berläşmilär ikän alar “Berdäm Rusiäne” ciñä almayaçaqlar.

Älege tema “Berdäm Rusiäneñ” Tatarstan bülege säyäsi şurasınıñ sişämbe uzğan utırışında da töp mä’sälägä äylände. Monda Respublikanıñ däwlät şurası särkätibe Valentina Lipucina östäl artına cıyılğannarnı borçuğa saldı. Biredä ul Mäskäwdä 6-7 iyün könnärendä firqäneñ Bötenrossiä seminarıyndı qaralğan mä’sälälärne söyläde. Anıñ çığışınıñ töp fikere şunda: “Bar köçlärne tuplap oppozitsiä säyäsi köçlärenä qarşı toru, häm aldağı saylawlarda respublikada 73 % tawış cıyu.” Saylawlar waqıtında Berdäm Rusiägä qurqırğa nigez barmı bu turıda däwlät şurası räise urınbasarı Rimma Ratnikova bolay dide.

Cıyılışta bu süz buldı, “Berdäm Rusiägä” qarşı barlıq oppozitsiädä torğan firqälär dä berläşep çıyşgarlar dip. Bu ğap – ğadi xäl, böten dönyada şulay, böten illärdä şulay ul, çönki “Berdäm Rusiä” bügen vlas'tä. Çınnan da vlast'tä torğan firqäne tänqitläw bügen ciñel. Häm räxättä, bernindi cawaplılıq kiräkmi monda. İnde mart ayında başqa regionnarda uzğan saylawlarğa kilsäk, anda törle pıçraq, şapşaq texnologiälär dip äytik, başqa firqälär tarafınnan qullanılğan. Bez andıy tübänlekkä töşergä cıyınmıybız, bezneñ keşe sanı küp, Tatarstan buyınça 122 meñ keşe. Bazarlarğa xalıqnı cıyarğa kiräk tügel, xalıq anda üz eşe belän, üze kilä digändäy. Läkin problemaları bulğannar belän anda söyläşep bula. Şuña kürä bernindi qurqınıçı yuq, ägrdä bez anda nindider agitpunktlar, röxsät alıp anda çığıp eşläsäk bernindi zıyanı bulmas.

Cıyılışta Valentina Lipujina söyläwe belän artıq mawığıp kitep, firqäneñ komissiä citäkçese Vladimir Kondrat'yev, “Oppozitsiä köçläre belän köräşkändä bez alarnıñ köçsez yağın kürep şunda basım yasarğa tieşbez.” Firqäneñ Säyäsi şura särkätibe Färit Möxämmätşin isä, bu fiker belän kileşmiçä, bez köndäşlärne turıdan-turı tänqitlärgä tügel, ä üzebezneñ yaqtan yaxşı eş kürsätep saylawlarda ciñärgä tieşbez dip belderde.

Cıyılışta şulay uq, saylawlarğa çığaçaq töbäk firka isemlegeneñ berençe öç keşe isemnäre bilgele buldı. Bu Tatarstan prezidentı Mintimer Şäymiev, däwlät şurası räise Färit möxämmätşin, häm däwlät şurası räise urınbasarı Oleg Morozov. Firqäneñ 22 äğzası kergän tulı isemlege 30 iyün könne tuplanaçaq.

Tatarstanda saylawlar waqıtında “Berdäm Rusiäneñ” töp köndäläre kem digändä Rimma Ratnikova bolay dide.

Başqa regionnarda inde ul şul “Ğädel Rusiäne” äytälär, bezneñ respublikada ul yuq. Minemçä, bezdä qaysı ölkädä eşlärgä awırraq bulaçaq, ul keşelärne saylawlarğa cıyu.

Berdäm Rusiägä köndäşlek bulaçaqmı belgeçlär arasında bu mä’sälägä qarata ike fiker bar. Beräwlär oppozitsiä köçäyä di, mondıylar, elek oppozitsiä wäkile bulğan Saliynıñ bu könnärdä Ğädel Rusiä citäkçese Mironov belän oçraşırğa teläwen dä, uñ köçlärneñ Berdäm Rusiägä qarata ber-ber yöreş qorularına bäylilär. Bu oçraşu bulğanmı bilgesez. İkençe belgeçlär isä, Berdäm Rusiä hiçşiksez berençelekne yaulıy di. Çönki berdän –ber köndäşçe bula alırlıq Ğädel Rusiäneñ xäle dä äle haman bilgesez. Çönki respublikada bügenge köngä xätle bu firqäneñ ike töbäk bülege bar, läkin äle berse dä räsmi örkälmägän. Ber bülekneñ citäkçese Färit Xucixanov beldergänçä saylawlarğa xätle alarğa bu mä’säläne xäl itergä kiräk, bolay bulmasa, Ğädel Rusiä bernindi köndäşlek kürsätä almayaçaq.

Berdäm Rusiälelär isä, uzğan saylawlarda 59 % tawış cıyğan bulsalar, aldağı saylawlarda bu kürsätkeçne 73 % qa kütärergä dip maqsat quyğannar.

Ğädel Galämetdin

XS
SM
MD
LG