Accessibility links

Кайнар хәбәр

Çallıda millät kitabın täqdim itü


Zamanında Çallı milli xäräkäte, anıñ törle oyışmaları, cämğiätläre räisläre bulğan, ğomumän alğanda xäräkätneñ aktivistları soñğı niçäder yılda üzara aralaşmıylar, berdäm yünäleş alıp barmıylar. Ütkärelgän çaralarda ber-bersen kürmäw öçen qatnaşmawnı qulay kürep kilälär. Şulay da, Çallıda Rafael' Möxämmätdinovnıñ milli xäräkätkä qağılışlı kitabı xaqında söyläşü bulasın belgäç, küpçelege şuña, Tatar drama teatrı binasına kilde. Biredä Zinnur Ähliullinnı, Faiq Tacievnı, Rafis Kaşapovnı, Damir Şäyxräziewnı, Tälğat Äxmädişinnı, Damir Şäyxetdinov häm başqalarnı kürergä mömkin ide. Kitapnı täqdim itü kiçäsendä Çallı yazuçılar berlege räise Vaxit İmamov, küp kenä mäktäplärneñ tatar tele uqıtuçıları qatnaştı. Rafael' Möxämmätdinovnıñ kitabına kilgändä, ul "Sovet çorınnan soñ Tatarstanda ideya-säyäsi ağımnarı" dip atala häm urıs telendä basılğan. Tasvirlangan waqiğalar 1991-2006 yıllarnı üz eçenä ala häm Törkiä täcribäse belän bayıtılğan. Rafael' äfände añlatuınça, kitap, soñğı 15 yılda tatar cämğıätendäge 4 ağımnı kürsätä. Anıñ berençese 20 nçe ğasırdağı tatar-törek bäyläneşe, 2-nçese - Sovet däwläte cimereler aldınnan tatar ireklege, 3-nçese - Tatarstandağı töp ideya-säyäsi ağımnar häm soñğısı - Törkiädäge ideya-säyäsi ağımnar. Oçraşuğa kilgännär arasınnan Zinnur Ähliullin ğına älege kitap belän tanış bulıp çıqtı häm xäzer anıñ fikere:

- "Sovet çorınnan soñğı Tatarstan tormışına analiz yasalğan berençe kitap dip uylıym. Şunısı igtibarğa layıq, dönyadağı başqa millätlärneñ üzara mönäsäbätlärenä dä urın birelä. Säyäsätçelär öçen kiräkle kitap.

Şuşı kitapta mondıy yullar da bar:

- "V.Putinnıñ prezident bulıp kilüe milli respublikalarğa total' höcüme häm Rusiädäge federalizm nigezlären yañadan qaraw belän bilgelänä. Rusiä konstitutsiä mäxkämäse 2000 nçe yılnıñ 27-nçe iyün qararı belän Tatarstan suverenitetı ğamäldän çığarıla."

Xäzer kitap avtorınıñ üzen tıñlap kitik:

- "Maqsatım - Sovet çorınnan soñğı Tatar milli xäräkäten analizlau, yomğaq yasaw. Bik küp mäglümätlärne qullandım."

Kitap avtorı Möxämmätdinov milli xäräkätneñ bügenge burıç häm maqsatların bolay küzallap yaza: "Suverenitet öçen köräştä barlıq oyışmalar berläşergä tieş, suverenitetnı qaqşatqan barlıq kileşülär, qararlar yuqqa çığarılırğa tieş. Möxämmätdinov Sverlau ölkäsendä tuıp-üskän, Qazanda, Märcäni isemendäge tarix institutında eşli.

Çallı, Ğafiulla Ğaziz

XS
SM
MD
LG