Accessibility links

дүшәмбе, 5 декабрь 2016, Казан вакыты 03:33

Akademiklar safı yäşärä


Akademiklar saylawı Bauman uramınıñ Qazan Kremle oçındağı Fännär akademiäseneñ zur zalında uzdı. Saylaw xoquqına iä bulğan 5 akademik, 13 däğwäçı zalnıñ berençe, ikençe rätlärenä sıyıp bette.

Ägär dä akademiklar saylawın kürergä telägän keşelär bulsa, 4-5 yöz keşelek urın bar ide. Häm alarnıñ aldında akademiä säxnäsendä ğayät qızıqlı tamaşa kürergä mömkin buldı. Şulay itep cäyge esse köndä konditsionerlar belän cillätelgän salqınça zalda 13 däğwäçınıñ härberse 5 minut eçendä üzeneñ distälägän kitabı, fänni açışları turında xisap tottı. Gumanitar fännär bülege utırışın Alabuğa pedagogiä institutı citäkçese Nail' Wäliev alıp bardı. Tel beleme belgeçlege mämzätläre Foat Ganiev belän Ruzäl Yosıpovlarnı tawış birergä xoquqlı 5 akademik bäyäläde. Yäşeren tawış belän Ruzäl Yosıypov ütte. Turıdan-turı akademiklıykka saylaw öçen tağın ber vakansiä “Etnologiä häm antropologiä” buyınça birelgän. Bu urınğa berdän-ber ğalim Damir İsxaqov däğwä itte. Akademiklarnı saylawçılar 5 keşe: N.Valiev, M.Xasanov, M.Gosmanov, M.Zäkiev, İ.Tahirov. Yäşeren tawış birgändä D.İsxaqov faydasına 3 tawış birelgän, ä 2 tawış qarşı. Şulay itep berençe turdan soñ 2 akademik: D.İsxaqov, R.Yosıpov, 2 möxbir äğza: İ.Gıyläcev, R.Möxämmätşin saylandı. Sänğät beleme belgeçlege buyınça möxbir äğzalıqqa G.Arslanov, G.Söläymanova, R. Yosıpovlar däğwä ittelär. Saylaw öçen komissiä äğzalarınıñ 3/2 öleşe tawış birergä tieş. Ädäbiät beleme belgeçlege buyınça köräş bik kisken bardı. Ber möxbir äğza urınına 4 mämzät däğwä itte. D.Zahidullina, F.Yaxinnan ayırmalı bularaq M.Säxäpov belän K.Miñnullin tatar telendä söylädelär. Tel, ädäbiät häm sänğät institutı citäkçese Kim Miñnullin bolay dip söyläde:

Eşçänlek ğomum teoretik önäleştä bardı, xalıq icatın tuplaw. 1996 yıldan eşçänlek xoqemät eşe belän bäyle buldı. Tellär zakonın ğämälgä aşıru, ul turıdan-turı fän belän bäyle buldı. İnstitut belän aranı özmädem, xalıq icatında ezlänülär belän bergä başqa önäleştäge eşlär dä bergä bardı.

Möxbir äğzalekkä saylanırğa däğwä beldergän M.Säxäpov bolay dide: Miras fänni tikşerenü institutı kiläse yılda däwlät statusında eşli başlayaçaq. 32 monografiäm bar, 18 teldä çıqtı. Öç teldä yaza başladım, tärcemä imergä yaratmıym, şuña üzem yazam.

K.Miñnullin, M.Säxäpov, F.Yaxin qatnaşqan ädäbiät beleme belgeçlegendä D.Zahidullina ciñep çıqtı. İkençe turda D.Zahidullina öçen 8 tawış birelgän, häm ul möxbir äğza bularaq raslanırğa täqdim itelde. Tatarstan fännär akademiäsenä dinnär beleme belgeçlege buyınça da möxbir äğza urınına birelgän. Bu urınğa Rusiä islam institutı rektorı R.Möxämmätşin saylandı. Şulay itep gumanitar fännär bülegenä 2 akademik, 4 möxbir äğza saylandı. Gumanitar bülekkä saylanğan akademiklar Fännär akademiäseneñ 26-27 iyünendä uzaçaq cıyılışında raslanğannan soñ ğına akademik bularaq tanılu alaçaqlar.

El'mira Gazizova

XS
SM
MD
LG