Accessibility links

якшәмбе, 4 декабрь 2016, Казан вакыты 23:31

Taliban Qabulgä kübräk höcümnär yasaw belän yaniy


Taliban süzçese, suğışçılarnıñ Äfğanstanda alıp barğan taktik xäräkätlären häm Qabuldağı höcümnären arttıraçaqların xäbär itte. Talibannıñ bu kisätüe, küp sanlı qorbannarğa kitergän qanlı intixar höcemennäñ soñ yañğıradı. Kiçä politsiä xezmätkäläre utırğan avtobusqa Taliban oyıştırğan höcüm näticäsendä 35 keşe ülgän, 50däñ kübräge yaralanğan ide.

Talibanıñ Qabüldäge höcümnären arttıru turındagı belderüe, NATOnıñ könyaq Äfğanstanğa terrorisçılarğa qarşı çaralarda töp taliban citäkçelären üterelüennä näk ber ay tulğanda waqıtqa turı kilä. NATOnıñ soñgı höcümnäre taliban suğışçılarına zur zıyan kiterde häm alarnıñ yazğı xöcemnären tuqtata alğan ide.

Talibannıñ Qabüldäge höcümnären arttıruı xaıqında bügen, azatlıq rasiosınıñ Äfğanstan xäbärçese, Pakstan çigendäge Taliban süzçese Zabihullah Mücahiddäñ soraştı.

“Bez xöcümnärneñ täseren tağın da arttıru yulların qaribız. Bez Qabulgä kübräk basım yasıy başladıq çönki bezneñ doşmannar şunda urnaşqan.”

Äfğanstanda NATO citäkçelegendäge xalıqara iminlek yärdem köçe süzçese Lieutenent Palkovnik Maria Karl, bügen azatlıq radiosına, bu qurqınıçqa qarşı toru öçen NATO xärbiläreneñ Äfğanstan iminlek köçläre belän xezmättäşlegen arttıraçagın belderde.

Läkin şul uq waqıtta Karl cäwap itep, Taliban yanawlarınıñ NATOnıñ eşçänlegenä ber nindi dä üzgäreşı kertä almayaçaq dip belderde.

Karl, xäzer Äfğanstanda bäreleşlär çorı bara häm Taliban üzeñ tağın da köçle ikäneñ kürsätü öçen intixar höcümnäreñ arttraçağın, NATO yıl başınnañ uq farazlağan ide dip äytte.

NATO buyıl, talibannıñ yazğı suğışların başlawda qurqıtqan, könyaq Äfğanstan töbägenä iğtibarnı kübräk yünältte. Taliban bu töbäktä köçen kürsätalmadı, höcümne arttıra başlağan waqıtta, NATO häm Amerika citäklägän koalitsiä köçläre alarğa hawa höceme oyıştırdı, näticädä Talibannıñ distälärçä suğışçısı hälaq buldı, taliban yağında yuğaltular zur ide.

Hawa höcümnäre näticäsendä Taliban, Mulla Dadullah kebek berniçä möhim citäkçesen dä yuğaltqan ide.
XS
SM
MD
LG