Accessibility links

шимбә, 3 декабрь 2016, Казан вакыты 05:36

Omski ölkäseneñ Tara rayonındağı qartlar yortında yanğın çıqtı


21 iyünneñ tönendä Omski ölkäseneñ Tara rayonıñ Yekaterinovka awılındağı qartlar yortında yanğın çıqtı. Anda 311 keşe yäşi ide. Yanğın 0 säg.30 minutta binanıñ 3-nçe qatında başlana. Signallar sisteması aşa yanğın turında xäbär tiz arada sünderüçelärgä barıp citä häm alar 5 minuttan kilep citälär. Yanğın sünderüdä 8 maşina qatnaşa, säğät yarım eçendä yanğın tulısınça sünderelä. Yanğın çığu turında bilgele buluğa anda eşläwçelär dä ölkännärne qotqaru eşenä kereşälär häm küpçelegen binadan uramğa çığarırğa ölgerälär. Ämma, qızğanıç, yanğın çıqqan qatta yäşäwçelärneñ qayberläre tötengä tonçığıp, añnarın yuğaltalar. Näticädä, 10 keşe yanıp ülä, 7 keşe törle däräcädä cäräxätlänep, xastaxanägä elägä, alarnıñ 4-se awır xäldä.

Xäzerge waqıtta qartlar yortınıñ 1-2 nçe qatlarında yäşäwçelär yañadan üz bülmälärenä qaytarılğannar, 3-nçe qatta yäşägännäre Tara şähäreneñ psixonevrologiä dispanserına urnaştırılğannar.

Yanğın çığunıñ säbäbe älegä tögäl açıqlanmağan, ämma tämäke tartudan bulırğa tieş digän farazlar bar.

Saniä Mirxaleewa, Omski

XS
SM
MD
LG