Accessibility links

шимбә, 10 декабрь 2016, Казан вакыты 17:37

Cirle idärälärgä salımnar kimerme?


Başqortstan parlamentı atnakiç könne üzeneñ çirattağı utırışın ütkärgän ide. Anda başqa küp kenä qanunnar belän bergä cirle üzidarä orğannarı xaqındağı qanun da tikşerelde. Döresräge, alarğa salımnar küläme turındağı qanun ide ul. Mäğlüm ki, Rusiädäge soñğı qanunnar nigezendä xäzer cirle üzidarälär töbäklärdäge çığımnarnıñ baytaq öleşen üzläre qaplarğa, xalıq könküreşe oyışmaların häm şirkätlären üzläre totarğa tieş. Läkin bu täñgäldä eşlär uñay ğına barmıy. Mäskäw bolay da Başqortstannan salımnarnıñ 70 protsentın tartıp alıp torğaç, töbäklärdä eşlärne cayğa salu awırğa turı kilä. Şuña kürä dä, cirle üzidarälärgä yärdämgä, salımnarnı kimetü faydağa bulır ide, dip isäpli Başqortstan deputatları.

Başqortstan Däwlät Cıyılışı-Qorıltay deputatı Zöfär Yenikeev parlament utırış betkäç, jurnalistlar belän aralaşuda bu mäs'älädä qayber açıqlıqlar kertte.

“Bez Salım kodeksına üzgäreşlär kertü yaqlı. Çönki Rusiäneñ älege qanunı mömkinleklärne çikli. Cirle üzidarä berämlekläre üz eşçänlegen tieşençä alıp bara almıy”.

Başqortstan Däwlät Cıyılışı-Qorıltaynıñ daimi komitetı räise Zöfär Yenikeev fikerläre buldı. Başqortstan deputatları salımnar mäsäläsendä yaña qanun da qabul itärgä mömkin. Ämma anıñ Mäskäw tarafınnan xuplanuı ğına ikele, çönki Başqortstan parlamentı elegräk qabul itkän qanunnarnıñ da kübeseneñ federal' üzäk tarafınnan ğämäldän çığarıluı küplärgä mäğlüm.

XS
SM
MD
LG