Accessibility links

җомга, 9 декабрь 2016, Казан вакыты 03:16

Mäktäplärdä çığarılış bäyrämnäre başlandı


Başqortstan mäktäplärendä häm gimnaziälärendä çığarılış sıynıf uquçılarınıñ bäyrämnäre başlandı. Bıyıl respublikada 11 nçe sıynıfnı tämamlawçılar cämğısı 42 meñnän artığraq. Alar xäzer çığarılış imtixannarın birep beterde häm tantanalı şartlarda ölgergänlek attestatları ala başladı.



Ufadağı 65 nçe sanlı häm 84 nçe sanlı tatar gimnaziälärendä dä çığarılış bäyrämnäre ütä. 65 nçe gimnaziä öçen älege uqu yılı quanıçlı buldı. Anda ör-yaña ike bina tözelep betkän ide. Älbättä inde, bu xäl uqu sıyfatın da kütärde.

84 nçe tatar gimnaziäse direktorı Rawil İdrisov ta bıyılğı uqu yılında da biredäge uquçılarnıñ töple belem aluın bilgeli. Anda bıyıl 11 nçe sıynıfnı cämğısı 102 uquçı tik yaxşı bilgelärenä genä tämamlağan.

“Bezneñ uquçılar gel yaxşı bilgelärenä genä tämamladı. Altın häm kömeş medal' aluçılar da bar, - di Rawil äfände. - Xäzer alarnıñ qayberläre Başqort däwlät universitetına, Başqort neft'-texnik universitetına häm başqa yuğarı uqu yortlarına barırğa äzerlänä. Cäyge lager' da bik äybät eşli. Anda 95 bala yöri. Ä 20 uquçıbız Tatarstannıñ Yar Çallı şähäre yanındağı “Mizgel” lagerendä yal itep qayttı. Alar anda törle bäygelärdä qatnaşıp, bik küp büläklär alğan”.

Ufadağı 84 nçe sanlı tatar gimnaziäse direktorı Rawil İdrisov süzlärençä, cäyge qanuiqullar başlansa da, gimnaziädä aldağı uqu yılına da äzerlek bügennän ük alıp barıla. Binanıñ eçke yağı da, tışı da tözekländerelä, uqu äsbapları, yaña texnika alına.

Fänis Fätxi, Ufa

XS
SM
MD
LG