Accessibility links

җомга, 2 декабрь 2016, Казан вакыты 22:59

Yewropa: Belgeçlär fikerençä, Yewropa energiä çığanaqların törleländerergä tiyeş


Londonda bu atna, belgeçlär Energiä ölkäsendä äydäp baruçı dip sanaluçı illärneñ xalıqara Konferansiäsendä qatnaştı. Belgeçlär, Rusiä Yewropa öçen Energiä çığınağı bulsa da, Yewropa Berlege şulay da üzenä, neft häm tabigiy gaz belän tämin itä alaçak alternativ çığanaqlar tabarğa keräk dip belderä.

Yewropa, kiläçäktä üzen energiä belän tämin itärçäk ışanıçlıraq çığanaqlar ezlärgä tiyeş. Rusiä çığanaqları küpmeder bu ixtiyaçnı qapli läkin şulay da Yewropa alternativ yullarnı ezläw yulların da uylarğa möcbür.

Financial Time gazetı tarafınnañ oyıştırılğan Global Energiä Citäkçeläre Sammitında qatnaşqan belgeçlärneñ urtaq fikere şuşı ide.

Yewropa Berlegeneñ Energiä Kommissionerı Andris Piebalgs,

“Bezgä bu xaqta positiv uylarğa keräk. Şulayda bez, Rusiäneñ üz mänfäğatläre buluın istän çığarmasqa tiyeşbez. Bazarğa Rusiänıñ üz mänfäğatlärennäñ çığıp täqdim itkän härber närsä bezneñ mänfäğatlärebezgä turı kiler digän süzne añlatmi.”

Menä şul isäpdän, Piebalgs, kiläçäkkä taba kötelmägän üzgäreşlär kilep çıqmasın öçen yewropa üzenä törle neft çığanaqları tabarğa tiyeş dip añlata mäsäläne. Bu qaraş yewroğa, törle çığanaqlarnı saylaw mömkinlege dä buluın añlarğa yärdem itäçäk di.

Enärgiä çığanaqlarını törleländerüneñ ber uñaysız tarafı, xäzerge waqıtta alternativ çığanaqlardağı energiä külämneñ citärlek bulmawı mäsäläse.

Misal öçen 150 Milliar kubikmetr tabigiy gaznı Russiä tämin itsä, Törkiä aşa kilgän tabigiy gaz küläme 40 Milliard kubik. Bu isä, Yewrapağa keräkle energiä külämennäñ küpkä azraq.

TransKaspia yağulıq ütkärgeçe proyektın üsterü çınnañda bik möhim eş dip sanim, Buyıl bez berençe tapqır gaznı Azarbäycannañ alaçaqbız. Älbättä beznreñ ömetebez alğa taba İran belän bulğan Uran bayutuı mäsäläsenen çişelüe, çönki İran bezne energiä belän tämin itärlek zur ber çığanaq. Häm şul isäbdä Ğiraq, ul da bezgä neft tämin itä alır ide. Şul uq waqıtta bezgä sıyıq gaz texnologiäsen kübräk üsterergä tiyeş. Gaz mäsäläsendä äli alğa taba awırlıqlar küp bulır.

Sıyıq gaz texnologiäse mäsäläse ikelätä ähämmiätle, çönki ul waqıtta, neftnı gazütkärgeçlär bulmiça törle yullardañ yıraqqa cibärep bula. Älegä qadär, Üzäk Azia häm Kavkaziä gazı Russiä ütkärgeçlären qullanmi torıp cibärep bulmi.

Yewropanıñ kiläçäk turındağı borçıluların kimitüdä, Alternativ yağulıqlar häm yaña çığanaqlar buldıru möhim ber çara bulıp qala.
XS
SM
MD
LG