Accessibility links

якшәмбе, 4 декабрь 2016, Казан вакыты 06:56

Äfğanstan Prezidentı tınıç xalıqnıñ üterelüen xökem itte


Äfğanstan Prezidentı, soñgı ber atnada 90 keşeneñ ülemenä kitergän iğtibar belän tikşerelmiçä alıp barılğan NATO häm AQŞ citäkçelegendäge xärbi çaralarnı xöküm itte.Azatlıqnıñ Äfğan redaksise xäbär itüençä, Qarzai bügen Qabulda, xärbi operatsiälärdä ğadi xalıqnıñ ülemenä yul birmäyäçäkbez dip belderde. "Mondıy operatsianı häm anıñ mondıy näticäsenä qabat yul birmäyäçäkbez. Häm äfğan xalqı da moña tüzmele bulmayaçaq” Qarzayineñ bu belderüe, NATOnıñ Könyaq Helmand wilayätendä bulğan hawa höcümnärendä, 25 tsivil keşeneñ ülemennäñ soñ yañgıradı. NATOnıñ Sekretare, General Jaap de Hoop Scheffer bu waqiyğadañ soñ yasağan belderüendä, tsivil xalıqnıñ ülemenä kitergän NATOnıñ bu hawa höcüme, xata bulğan dip belderde. NATO Xalıqara İminlek Köçe süzçese Maria Karl, Azatlıqqa bergän äñgämäsendä bolay dide: “Bez tınıç xalıqqa zarar kilü ixtimallığın kimetü öçen bulğan barlıq mömkinçeleklärne tikşerep çığabız, bu bezneñ operatsiälärebezneñ bik ähämmiätle öleşe.” Helmanddağı "Azatlıq" xäbärçese Salixmöxämäd Sali belderüençä, hawa höcüme, Taliban suğışçıları belän çit häm äfğan xärbiläre arasında utlı bäreleşlär bulğan Gereşk mäxäläsenä yünälderelgän bulğan. Anda 20 suğışçı üterelgän. Şul uq waqıtta NATO, Comga könne, Äfğanstanda bulğan 2 bäreleştä, 80 ğisyançınıñ üterelüen belderde. Şul uq waqıtta, könyaq Qandahar wilayätendä Äfğan häm koalitsiä köçläre tarafınnañ 20 suğışçınıñ üterelüe xäbär itelä. NATO süzçese bügen, Azatlıq radilosına, irtä belän Ğazni wilayäte, Giro bistäsendä 20 Taliban suğışçısı qulğa alındı dip belderde.
XS
SM
MD
LG