Accessibility links

сишәмбе, 28 март 2017, Казан вакыты 14:59

NATO, Waziristan höcümendä tsivil xalıqnıñ üterelüen rasladı


Äfğanstandağı NATO köçläre, atna axırında Paqstannıñ Wäzerstan töbägenä bulğan höcümdä, üterelgännär arasında tsivil xalıqnıñ da buluın tanıdı. "Azatlıq"nıñ Päşwardağı xäbärçese Nacip Amir belderüençä, Tönyaq häm Könyaq Wäzerstanda bulğan raketa höcümdä, Paqstan süzçese belderüenä qarağanda tsivil xalıqtañ 28 keşe hälaq bulğan. Ülüçelär arasında xatın-qızlar häm balalar da bulğan. Äfğan-Paqstan çigendäge ğisyançı suğışçılarğa yünälderelgän bu höcümdä, 4 paqstan ğaskärie dä ülgän. Ülgännärneñ tögäl sanı 60 keşe dip sanala. NATO Xalıqara Yärdem köçe süzçese, AFP Frantsuz xäbär agentlığına bergän belderüendä, Yärdem köçe ülgännär arasında ğadi xalıqnıñ da buluın taniy häm gäyepsezgä hälaq bulğannar öçen borçıla dide. Ber kön elek Äfğanstan Prezidentı Hamid Qarzai tsivil xalıqınıñ ülemenä kitergän NATO häm AQŞ xärbiläreneñ soñgı operatsiäsen hökem itkän ide, bügenge beleredü şuşı çığıştan soñ yasaldı. Songı atnada bulğan xärbi höcümnär näticäsendä ülgän tınıç xalıqnıñ sanı 100 gä citär dip farazlana. Qarzai mondiy operatsiä häm anıñ näticäläreneñ ber niçektä tözemlelek kürsätelmäyäçägen Äfğan xalqınıñ da moña tağın yul birmäyäçägen äytkän ide.

XS
SM
MD
LG