Accessibility links

дүшәмбе, 5 декабрь 2016, Казан вакыты 11:35

Altay balaları tuğan tellären yaxşı belä


Tatarstannan milli häm töbäklär massaküläm mäğlümat çaralarınıñ III kongressınnan qaytıp kilgändä Mäskäw-Omski poyezdında bezgä Altay balaları belän tanıştıruğa turı kilde. 8-12 yäşlek küpçelege altay millätennän bu balalarnıñ Çallıdan, cır häm xoreografiä festival'-konkursınnan qaytıp kileşläre ide. Qızlarnıñ 18 keşelek biü ansambl'läre altay telendä “Erdine”, tatarça äytkändä “Ence” dip atala. Älege kollektiv Tawlı Altay respublikasınıñ Ust'- Qan awılındağı sänğät mäktäbendä eşli. Alar 2005 yılda Törkiädä oyıştırılğan “Törki balalar festivalendä” qatnaşqannar häm anda Çallı balalar sänğät mäktäbe direktorı Liliä Nurmöxämmätova belän tanışqannar. Şul waqıtta Liliä xanım alarnı Çallı festivalenä çaqırğan. “Erdine” ansamble 15-17 iyün könnärendä Çallıda uzğan festival'-konkursta qatnaşıp, xalıq biü nominatsiäsendä absolyut ciñüçe isemen ayulağan. Ansambl' belän Altaydan yalğız cırçı Ay-Tana Molçoeva da kilgän. Ul da bu konkursta uñışqa ireşkän, xalıq cırı nominatsiäsendä berençe büläkkä layıq bulğan. Balalar Çallı Sabantuyında da qatnaşqannar. Berençe märtäbä genä bulsalar da alarğa Tatarstanda bik oşadı, ayıruça Sabantuy bäyräme-,dip söyläp kitte “Erdine” biü ansamble citäkçese Anjeliqa Molçoeva. Bezgä tatar iyülläre, cırları bik oşadı, kiläçäktä ansambl' belän tatar biüen quyarğa uylıybız,- di ul.

Östäp şunı da äytäse kilä, balalar rus telen dä, altay telen dä qamil belälär ikän. Pozdda barğanda alarnıñ üz tellärendä söyläşüläre bezne ayıruça soqlandırdı. Bezneñ Respublikada tuğan telne uqıtu Däwlät däräcäsendä quyılğan, altay tele däresläre atnasına biş säğät uqıtıla-, dide Anjeliqa Molçoeva.

XS
SM
MD
LG