Accessibility links

пәнҗешәмбе, 8 декабрь 2016, Казан вакыты 21:16

Şarmış Şäyxdäge sammit, Fälestendäge kiyerenkelekne çişä alırmı?


Bügen, Izrail Premyer ministrı Ehud Olmert belän Fälesten Prezidentı Mäxmüd Abbas, Misırda sammitta qatnaşa. Sammitka Misır Prezidentı Xösne Mübäräk bekän Ürden Patşası ikençe Ğabdulla da qatnaşa. Ğazza Sızığı islamçı Xämas suğışçıları tarafınnañ alınıunnañ soñ İzrail häm Xalıqara cämäğatçelege iğtibarın Könbatışyardağı yaña Abbas xäqimiätenä yünälderde.

Ğazza sızığınıñ Xämas suğışçıları tarafınnañ basıp alınuı, kiresençä İzrael-Fälesten arasındağı kiyerenkne çişü yulında yaña mömkençeleklär me tudıra?

Xämas suğışçıları Ğazzada Fättaxnı ciñep kontrolne üz östenä alğannañ soñ Fälesten İdaräse başlığı, Mäxmüd Abbas, Könbatış Yarda tüzelgän urtaq hökümättäñ Xämasnı çıgardı.

Abbas bu adımı belän, İzrael, Amerika häm Yewropa Berlege kebek illärdäñ yaña iqtisadi häm säyäsi yaqlaw taptı. Çönki älege illär monnañ elek tüzelgän urtaq hökümät zamanında, koalitsiädä Xämas buluı säbäble söyläşülärdäñ baş tarta ide.

Bügen Misırnıñ, qızıldiñgez yarındağı ŞarmışŞäyxdä ütüçe sammit aldınnañ İzrael Premyer Ministrı üz çığışında yaxşı-eşlär başlaw häm terorizmgä qarşı qatı toru xaqında söyläde.

Olmert kabinetı monnañ elek tuqtatılğan, berniçä yöz million salım aqçasın Abbas xaqimiätenä tülärgä digän qarar qabul itte. Fälesten Xaqimiäte isemenä cıyılğan aqça, anıñ ber tiyenen dä Xämas qulına kermäyäçäge xaqında kileşengän oçraqta, xaqimiätkä tapşılaçaq.

Olmert süzçese Miri Eisin, Yäkşämbe kön yasağan çığışında, monı zur ber üzgäreş dip añlattı.

“İzrail kabinetı, aqça tapşırunı xuplap çıqtı. Düşämbe kön bulaçaq söyläşülärdä, Yaña fälesten xaqimiätenä aqça küçerü xaqında Fälesten Prezidentı Abbas belän fiker alışınaçaq bu inde üzenä kürä zur ber üzgäreş.” Abbas kiñäşçese Yasser Abed Rabbo ütkän atna yasağan çığışında, sammitneñ maqsatın täräqqiätkä ireşüdä kürgäneñ belderde.

“Kiyerenkelekne çişep yañadañ tınıçlıq xaqında söyläşülärne däwam itterü, Sammitneñ töp maqsatı. Bez bulay bäyälibez”

Rabbo, Könbatış yarındağı Ramallahda yasağan çığaşında, soñğı maqsatlarnıñ belgelänüenä basım yasap bolay dide,

“Sammitneñ uñışlı buluı İzrail tarafınıñ qararlarına bäyle. Soñgı statusqa bäyle mäsälälärdä añlaşu öçen İzarael tarafınıñ säyäse söyläşüläreneñ däwam itterüe şart, şul çağında bez 1967nçe yıl kileşengän çiklär eçendä başqalası könçığış Yärüssäläm bulğan bäysez Fälesten däwlätin tüzärbez. “

AQŞ sammittän alda, İzrailne, Abbas xaqimiäten yaqlawnı arttıru häm yärdem itü öçen konkret adım atlarğa çaqırdı.

Olmertneñ süzçese Eisin, İzrail xökümäte bu çaqırunu xuplıy dip belderde.

ŞarmışŞäyx sammitı näticäsen artturu maqsatında, Tınıçlıq söyläşülärenä aradaşçı bulğan Yewropa Berlege, Rusiä, Berläşlän Millätlär häm AQŞ wäkelläre, yaqın arada İzrail, Fälesten räsmilären häm Ğaräp ligasın ziyarät itärgä cıyına.
XS
SM
MD
LG