Accessibility links

пәнҗешәмбе, 8 декабрь 2016, Казан вакыты 23:09

Bögön narkotiktar häm psixotrop matdälärźeñ zakonhıź äyläneşenä qarşı Xalıq ara köräş könö


Bıl köndö bildäläü turahındağı qarar Berläşkän Millättär Oyoşmahı tarafınan 1987–se yılda qabul itelä. Räsäyźeñ xoquq haqlau orğandarı mäğlümättärenä qarağanda, ildä yaqınsa 4 million narkoman iśäplänä. Bıl afätkä qarşı köräş ösön Respublikala ber nisä maxsus proğramma eşläy. Bıl turala «Başinform» mäğlümät ağentlığında ütkän matbuğan konferentsiyahında narkotiktarğa qarşı köräş häm psixotrop mätdälärźeñ äyläneşen kontroldä totousı federal xeźmätteñ Başqortostan idaralığı etäksehe Valeriy Kogin belderźe. Narkomaniya donyalağı barlıq ildärźeñ dä iqtisadına, ularźıñ xalıqtarı haulığına, genofondına źur zıyan kiltereüse źur problemağa äüerelä bara. Berläşkän Millättär oyoşmahı mäğlümättärenän küreneüensä, donyala äle 185 million keşe narkotiktar qullana, bıl er şarında yäşäüse xalıqtıñ ös protsentı. Dürt yıl elek respublikala räsmi räüeştä 5 meñ narkoman terkälgän, ämmä ısınbarlıqta bıl han ber-nisä tapqırğa küberäk, ti belgestär. Narkomandarźıñ yıldan–yıl artıuı häm bıl ağıuźı qullanıusılar arahında üśmerźärźeñ kübäyeüe– yämğiättä źur borsolou tıuźıra. Räsäyźä, döyöm alğanda, bıl afätkä qarşı köräş alıp barılha la, höźömtälär şäptän tügel. Valeriy Koqin bildäläüensä, repressiya yuldarı menän genä moratqa ireşeü mömkin tügel, ä totoş yämğiät menän berlektä eşmäkärlek alıp barıu talap itelä. Başqortostanda huñğı biş yılda üśmerźär arahınd narkomaniya 3 yarım tapqırğa kämegän. Mäğarif ministrlığı wäkildäre bını auırıuźarźı reabilitatsiyalau eşeneñ teyeşle kimäldä oyoştorolouı menän añlata. Respublika buyınsa yäştär arahında narkomandar aźayha, Öfölä kirehensä artqan. Bında 100 meñ keşegä 1 meñ 294 narkoman tura kilä.

XS
SM
MD
LG