Accessibility links

сишәмбе, 6 декабрь 2016, Казан вакыты 19:14

Qazan şähär transportındağı üzgäreşlär kemgä faydağa?


Näq ber atnadan soñ Qazan şähär avtobusında yörüçelärne mäşhär kötä. Şunı sizep bulsa kiräk Qazan citäkçelege bu ölkädä şaqtıy añlatu eşläre alıp bara başladı soñğı waqıtta. Sişämbe könne isä transport häm elemtä komitetı räise urınbasarı Nikolay Stukalov jurnalistlarnı tuqtalışlar buylap yörtte yaña transport sxeması belän tanıştırıp. Tizdän härber tuqtalışta añlatmalı sxemalar bulaçaq dip wäğdä itte ul . Sxemada älege tuqtalış aşa nindi marşrutlar uzuı xaqında barısı da añlatılğan.Älegä isä şähärdä kürsätmä mäğlümat 100әү genä elengän. Alarnıñ da küplären inde yırtıp atqannar. Jurnalistlar şunarğa tap buldı.

Qayber tuqtalışlarda maxsus cihazlar da yuq. Alar bulmıy torıp, ul sxemalarnı qayda elärgä cıyınalardır monısı da älegä soraw bulıp qala.

İñ töp yañalıq - avtobuslarnıñ nomerları barısı da üzgäräçäk. İnde xäzerdän ük iske häm yaña nomer belän yörgän avtobuslarnı küzätergä mömkin.

Közgä qädär yaña avtobuslar qaytıp betkänçe iske Paz häm Gazellär dä yöriäçäk. Ämma inde berniçä aydan şähär avtobuslarınıñ barısı da yaña nomerlı qıp-qızıl töstä bulaçaq. Bilgele, xalıq öçen bu şaqtıy problemalar tudıraçaq. Bigräk tä çit cirlärdän Qazanğa kilüçelärgä awır bulaçaq - yaña marşrutlar östäläçäk. Alarnı älläni küp bulmıy dip wäğdä itälär itüen.

Niqolay Stukalov xalıqtan borçılu belderep 7 meñläp xat kilgänen äytte. Bu äle transport çeltäre ğämälgä kergänçe ük. Ä annan soñ bu möräcäğätlär bermä-ber artır tösle, bigräk tä xalıq kesäsenä suğa başlağaç. Çönki xalıq arqılı-torqılı basıp bulsa da şähärneñ ber başınnan ikençesenä barırğa iäläşkän ide – 10 sumğa. Xäzer isä şul aranı ikeşär avtobusta uzarğa turı kiläçäk. Şähär citäkçelege isä problemanı añlamıyça bulsa kiräk, yıraq ara yörüçelär bik az sanda dip belderälär.

Yaña marşrut sisteması turında 300 meñ beleşmälek çığarılıp xalıqqa taratılğan xäzerge waqıtta. Qalğannarı tiz arada qazanlılarğa citkereläçäk didelär. Şulay uq tuqatalışlarda maxsus añlatma birüçe wäkillär yöriäçäk dip belderälär. Bilgele bulğança, xäzerge waqıtta avtobusnı berniçä minut qına kötärgä kiräk – bik caylı. Şähär citäkçelege yaña sistema kergäç tä totqarlıq bulmayaçaq di. Niqolay Stukalov:

5-7 minut qına kötärgä turı kiläçäk avtobuslarnı.

Qazan transport häm elemtä komitetı citäkçese urınbasarı Nikolay Stukalov belderüençä, avtobusta yörü bıyıl artmayaçaq. Qayber Rusiä töbäkläre inde Qazannan ürnäk tä ala başlağannar. Sankt-Peterburgta qızıqsınğannar. Qazan şähäre Başqarma komitet citäkçese urınbasarı Röstäm Niğmätullin:

Xäzer bu yul belän inde başqa şähärlär dä bara başladı. Novosibirski, Tomskida da zur avtobuslarğa küçälär. Bu xalıqlarğa uñay bulsın öçen eşlänä.

Röstäm Niğmätullin belderüençä, zur avtobuslar küpkä otışlıraq bulaçaq xalıq öçen dä, şähär citäkçelege dä. Ä menä şäxsi eşmäkärlär iske avtobusların qayda quyar busı soraw bulıp qala.

Landış Xarrasova

XS
SM
MD
LG