Accessibility links

сишәмбе, 6 декабрь 2016, Казан вакыты 13:24

Yaqın könçığış dürtlege Yärüssälämdä cıyıldı


YaqınKönçığışta tınıçlıq aradaşçısı 4 il, Yewropa Berlege,Rusiä, BMO häm Amerika bügen Yärüsälämdä cıyıldı. Dürtlek, sammit barışında Abbas xaqimiänä yärdem itü, Xamasnıñ Ğazzanı basıp alğannañ soñ aña qaşı torğan Xamas törkemenä çikläw mäsälälären qaradı. Yäressälämdä cıyılğan Dürtleneñ maqsatı, Ğazza sızığınıñ Xämas tarafınnañ alınuınnañ soñ tuğan kiyerenkeleklärne çişü yulların ezläw ide.

Düşämbe kön Şarm äş Şäyxdä ütkän sammit waqıtında, İzrael, Misır häm Ürden citäkçeläre, Fälesten başlığı Mäxmüd Abbasnı yaqlap çıqqan ide.

Kiçäge sammit, Xämasnıñ Ğazzanı qulğa alıunnañ soñ, Abbas hökümäten yaqlaw häm qarşı köç Xämasnı çikläw maqsatı belän oyıştırılğan ide. İzrail Premyerı Ehud Olmert bu niäten canlandıru öçen törmädäge 250 Fälestenlene azat itü qararın iğlan itte.

Annañ alda, İzrail hökümäte, yäkşämbe kön tuñdırılğan salım aqçaların Könbatış Yardığı Fälesten xaqimiätenä tapşıru qararın qabul itkän ide. 2006 saylawlarında Xämas xaqimiätkä kilgäçten, İzrail, Fälestengä aqça birüne tuqtatqan ide.

Xämasnıñ, İzrailneñ bu täqdimNärenä qarşı cäwabı tiz yañgıradı. Qararnı mäğnäsez tapqan Xämas, anı kire qaqtı.

Xämas süzçese Sami Abü Zühre Ğazzada xäbärçelärgä birgän belderüendä bolay dide:

“Şarm äş Şäyxdä bulğan sammit, barı tik çaralar ezläw maqsatı ber xıyalı äylänädä äylänep torudañ bötän ber ni tügel. Bu sammit bezneñ Fälesten xalqına, buş wäğdädäñ bütän ber nindi dä yaña täqdim birmäde dä, kürsätmäde dä. Aqçanı qaytaru xaqındağı bäxäslär isä asılda bezneñ üz xaqı aqçabız ide. Törmädäge, äl-Fättax törkemennäñ genä bulğan 250 keşeneñ azat itelüe, Xamas belän Fättax arasındağı xizmättäşlek buldırunı añlatmı, ni qızğanıç ki xäqimiät başlıqları belän İzrail okupatsiäse arasındağı xezmättäşlekne añlata”

Şulayda Xämas, Fälestenneñ eçke mäsäläläre xaqında söyläşergä çaqırğan täqdimne xuplawların belderde.

“Bez Misır Prezidentı Xösne Mübäräkneñ eçke mäsäläre turında söyläşü öçen yasağan çaqıruın xuplibız, ikele söyläşülärne kire qaqqan Mäxmüd Abbasnıñ da bu yulı söyläşergä riza buluın telibez”

Läkin, Olmert-Abbas arasında barğan bu söyläşülärendä, Fälesten däwläten tüzüdä näticäle adımnar bulu xaqında şiklär kimime. Säbäbenä kilgändä ise, iki citäkçedä säyäse yaqtañ qarağanda köçe zağif häm bik tanılmağan şäxsiyätlär.

Bügen Sammitkä qatnaşqan 4 il, Uzğan yıl wazifasınnañ kitkän Dönya Banqı başlığı James Wolfensohn urnına Dürtlekneñ YaqınKönçığıştağı wäkele itep, Tony Blair nämzätlege tikşerelergä tiyeş ide.

Şulayda, bügen tämämlağan sammit axırında ber nindi dä räsmi belderü yasalmadı.
XS
SM
MD
LG