Ber başqala Tähranda ğına da açulı xalıq kimendä 5 benzin stansiäsenä ut törtkän dip xäbär itelä. Alar şulay itep İran xökümäteneñ benzinne ülçäp kenä satarğa buluı turındağı qararına qarşı çığa.
İrandağı maşina yörtüçelärneñ yaña tärtip kergänçe benzinne kübräk alıp qalırğa teläwe çärşämbegä qarşı töndä ozın çiratlarğa kiterde. Xäbärlärgä qarağanda, xökümät qararınnan qänäğätsezlek şundıy köçle bulğan ki, qayberäwlär benzin stansiälärenä taşlar atıp, prezident Mäxmüt Äxmädinecadqa qarşı näfrätle şiğarlär dä qıçqırğan.
Tährannan tış andıy waqiğälär Ähwaz, İsfaxan, Qazay häm Täbriz şähärlärendä dä bulğan dip xäbär itelä. Ä inde bügen bulğan çualışlarda başqala Tähranda ber xatın-qıznıñ hälak buluı xaqında da äytelä.
Tähranda yäşäwçe jurnalist Färizburz Soruş radionıñ farsı redaksiäsenä andağı xällärne bolay sürätli:
"Tähranda häm başqa şähärlärdä xalıqnıñ benzin stansiäläre yanına cıyıluı turında xäbärlär kilä. Tögälräk äytkändä, keşelär Ğäzwin, Şäryäti, häm başqa uramnarda tuplanıp, anda çualışlar bulıp alğan. Näticädä alar politsiä köçläre belän bäreleşep, hawağa ut açılğan, qayber stansiälärgä ut törtelgän", dip söyli Tährannan jurnalist Soruş.
İkençe ber xäbärçe, Täbrizdän Peyman Pakmehr, ul şähärdä wäzğiätneñ bügen tınıç buluı, xalıqnıñ benzin stansiälärennän inde kitüe, ämma azıq-tölek häm taxi bäyäläreneñ kütärelüe xaqında belderä:
"İt, borçaq, döge häm cimeşlärgä bäyälär arttı. Xalıq satuçılardan "bu nigä şulay?" dip sorağaç, alar monı benzingä bäyäneñ artuı belän añlata", di Täbrizdä yäşäwçe Peyman Pakmehr.
Taxi, häm ğomumän, transport bäyälärenä kilgändä, Xuzistan wilayätendäge Ähwaz şähärendä alar xätta 3-5 märtäbä artqan dip xäbär itelä.
İran xökümäte kertkän yaña tärtip şundıy ki, anda här xosusi maşina iäsenä däwlät bilgelägän bäyägä ayına barı tik 100 litr benzin satu ğına qarala. Taxi xucaları öçen bu san 800 litr bulaçaq. Ä inde kem dä kem şuşı külämne uzıp kitä ikän, ul benzinne qara bazarda ezlärgä mäcbür bulaçaq, ä anda yağulıqnıñ çın bäyäse yaqınça 5 märtäbä kübräk.
İran xökümäte eçke qullanış öçen satılğan benzin bäyälären subsidiäläp tübän tota. İl üze neftkä bik bay bulsa da, anı eşkärtü İranda tübän däräcädä. Şuña da Tähran ildä qullanılğan benzinneñ 40 protsentın çittän satıp ala.
Kärim Kamal
İrandağı maşina yörtüçelärneñ yaña tärtip kergänçe benzinne kübräk alıp qalırğa teläwe çärşämbegä qarşı töndä ozın çiratlarğa kiterde. Xäbärlärgä qarağanda, xökümät qararınnan qänäğätsezlek şundıy köçle bulğan ki, qayberäwlär benzin stansiälärenä taşlar atıp, prezident Mäxmüt Äxmädinecadqa qarşı näfrätle şiğarlär dä qıçqırğan.
Tährannan tış andıy waqiğälär Ähwaz, İsfaxan, Qazay häm Täbriz şähärlärendä dä bulğan dip xäbär itelä. Ä inde bügen bulğan çualışlarda başqala Tähranda ber xatın-qıznıñ hälak buluı xaqında da äytelä.
Tähranda yäşäwçe jurnalist Färizburz Soruş radionıñ farsı redaksiäsenä andağı xällärne bolay sürätli:
"Tähranda häm başqa şähärlärdä xalıqnıñ benzin stansiäläre yanına cıyıluı turında xäbärlär kilä. Tögälräk äytkändä, keşelär Ğäzwin, Şäryäti, häm başqa uramnarda tuplanıp, anda çualışlar bulıp alğan. Näticädä alar politsiä köçläre belän bäreleşep, hawağa ut açılğan, qayber stansiälärgä ut törtelgän", dip söyli Tährannan jurnalist Soruş.
İkençe ber xäbärçe, Täbrizdän Peyman Pakmehr, ul şähärdä wäzğiätneñ bügen tınıç buluı, xalıqnıñ benzin stansiälärennän inde kitüe, ämma azıq-tölek häm taxi bäyäläreneñ kütärelüe xaqında belderä:
"İt, borçaq, döge häm cimeşlärgä bäyälär arttı. Xalıq satuçılardan "bu nigä şulay?" dip sorağaç, alar monı benzingä bäyäneñ artuı belän añlata", di Täbrizdä yäşäwçe Peyman Pakmehr.
Taxi, häm ğomumän, transport bäyälärenä kilgändä, Xuzistan wilayätendäge Ähwaz şähärendä alar xätta 3-5 märtäbä artqan dip xäbär itelä.
İran xökümäte kertkän yaña tärtip şundıy ki, anda här xosusi maşina iäsenä däwlät bilgelägän bäyägä ayına barı tik 100 litr benzin satu ğına qarala. Taxi xucaları öçen bu san 800 litr bulaçaq. Ä inde kem dä kem şuşı külämne uzıp kitä ikän, ul benzinne qara bazarda ezlärgä mäcbür bulaçaq, ä anda yağulıqnıñ çın bäyäse yaqınça 5 märtäbä kübräk.
İran xökümäte eçke qullanış öçen satılğan benzin bäyälären subsidiäläp tübän tota. İl üze neftkä bik bay bulsa da, anı eşkärtü İranda tübän däräcädä. Şuña da Tähran ildä qullanılğan benzinneñ 40 protsentın çittän satıp ala.
Kärim Kamal