Accessibility links

Кайнар хәбәр

Tatarstanğa çit il eşçeläre kiräkme?


Qazan Mäskäw kebek ük qibatlı şähär bulmasa da, keşeçä yäşäw, aşaw, kienü öçen bügen kim digändä 15 meñ sum tiräse aqça kiräk. Älbättä mondıy xezmät xaqılı eş yul çatında aunap yatmıy, anı ezlise bar äle. Yäşlär bu şartlar belän qanäğät tügel, şuña da Rusiä başqalası, yä bulmasa bötenläy çit ilgä kitep eşläwne qulay kürä.

Oyışma citäkçeläre isä üz xezmätkärlärenä mömkin qädär azraq tüläw yağında. Şunlıqtan küp oçraqta migrantlarnı eşlätergä tırışalar. Bu tözeleş ölkäsendä ayıruça açıq kürenä. Tatarstanlılarnıñ kübese eşsez utırğan waqıtta, respublikanıñ tözeleş ölkäsenä 18 meñ migrant qaytarılırğa tora. Bu turıda premyer – ministrnıñ berençe urınbasarı Rawil Muratov tözeleş ölkäsendä avtonom oyışmalar buldıruğa bağışlanğan utırışta äytte. Anıñ fikerençä bügen ber genä şirkät tä bügen aldan uq yäş belgeçlärne alıp alarnı uqıtırğa teläk beldermi. Ä kem eşli soñ. Könnän – kön tözeleş sanı arta, bıyıl Qazanda 2 million kvadrat metr toraq tözeläçäk. Mondıy xälneñ äle bulğanı yuq itde”. Utırışta şulay uq Qazan tözeleş oyışmalarınıñ Uzbäkstan, Tacikstan, Törkiädän kilgän eşçe migrantlar öçen 18 meñ kvotalı urınnar bülenep birü turına da äytelde.

Qazannıñ tözeleş oyışmaları migrantlarnı eşkä alalarmı. Bu sorawnı bez berniçä şirkätkä şaltıratıp beleşep qararğa tırıştıq.

-Yuq bez Qazan keşelären genä alabız.

- Bezdä marilar, çuaşlar, tatarlar eşli. Eşkä üzebeznekelärne genä alırğa tırışabız.

Cıyılışta Rawil Muratov mondıy fiker äytte. Yänäse tözeleş oyışmaları citäkçeläre, bezneñ eşçelärgä 12-13 meñ tüliseläre kilmi, şuña kürä, yunga, 3-4 meñgä genä tüläp migrantlarnı eşlätä. Oyışma citäkçeläre isä, migrantlarnıñ xezmet xaqı turında başqaça uylıylar.

Yuq alar beznekelärdän azraq almıy. Külämen äytä almıym, bu kommersiä sere. Qaywaqıt migrantlar kübräk tä ala äle.

Tözeleş oyışmaları migrantlarğa qarata kisken tiskäre mönäsäbättä qulsalarda, çit il wäkilläreneñ qazanğa kilep eşkä urnaşuı ğadi häm röxsät itelgän xäl dip sanıylar Migratsiä xezmätendä. Yıl da çit il eşçelärenä bülenep birelgän kvotalı eş urınnarı turında isä, xezmät migratsiäse bülege xezmätkäre Tokranova El'wira bolay dide.

Vizalar yärdämendä yıraq çit ildän kilüçelär öçen 7 meñ urın, 2007 yıl öçen, ä Yaqın çit il, Uzbäkstan, Tacikstan, Qırğızstan, Qazaqstannan kilüçe migrantlar öçne 68 meñ urın.

Ni öçen oyışma citäkçeläre kübräk migrantlarnı eşlätergä teli digän sorawğa Migratsiä xezmätendä mondıy fikerdä toralar.

Oyışma citäkçeläre migrantlarnı saylıy çönki alar yaxşıraq eşli, azraq alkogol' eçemleklär qullana, alarğa xezmät xaqın da azraq tüläsäñ bula.

Migratsiä xezmätendä bügenge köndä töp problema isä, räsmiläşmägän, legal' bulmağan migrantlarnı eşlätü. Bu oçraqta isä, oyışmalar 800 meñ sumğa xätle ştraf tülärgä mäcbür bulalar. Lekin şuña da qaramastan, oyışma citäkçeläre ällä qurkmıy, barıber dä räsmi börkälmägännärne xezmätkä tartalar dip berberdelär migratsiä xezmätendä.

Şulay itep, ägär elek, marıy, çuaş yaqlarınnan kilgän eşçelär iñ ostaları dip sanalsa, xäzer bezneñ yortlarnıñ kübesen Töreklär, Taciklar, Üzbäklär tözi.

Ğädel Galämetdin

XS
SM
MD
LG