Accessibility links

җомга, 9 декабрь 2016, Казан вакыты 14:34

Çit ildäge yäş millättäşlärebez Tatarstan yuğarı uqu yortlarına uqırğa kerergä äzerlänä


Bıyıl Tatarstan yuğarı uqu yortlarında BDB häm Baltıyk buyı illärennän 70 millättäşebez belem alaçaq. Tatarstan Xökümätennän şul qädär kvota birgännär. Uzğan yılnı isä barlığı 60 urın birelgän. Maxsus uqıtuçılar çit illärgä barıp testlar uzdırıp qaytqannar ide.

Comğa könne isä ber törkem yuğarı uqu yortları uqıtuçıları, prezident apparatı, Bötendönya tatar kongressı wäkilläre, ayırım alğanda çit ildäge millättäşlärebezne vuzlarğa qabul itü öçen respublikası komissiäse äğzaları 5 ilgä çığıp kitäçäk.

Tatarstan yuğarı uqu yortlarında belem alırğa teläwçelär BDB häm Baltıyk buyı illärennän 160ка yaqın. Bötendönya tatar kongressına şul qädär möräcäğät bulğan. Alar arasınnan 70 yäş millättäşebezne saylap alu maqsatı tora häm älege uñaydan respublika komissiäse sınawlar alırğa dip bu könnärdä 5 ilgä - Äzerbäycannıñ Baku, Üzbäkstannıñ Taşkent, Qırğızstannıñ Bişkäk, Qazaqstannıñ Almatı, Tacikstannıñ Tursunzade şähärlärenä yul ala. Respublika saylap alu komissiäsenä barlığı 11 keşe kerä, alar arasında törle yuğarı uqu yortları uqıtuçıları, kongress häm prezident apparatı wäkilläre bar.

Bıyıl Tatarstan yuğarı uqu yortlarına kerergä teläwçelärneñ iñ kübe Taşkenttan ikän 50 artıq millättäşebez. Berençe tapqır isä Tacikstannıñ Tursunzade şähärennän dä möräcäğätlär bulğan. Şulay uq Ukrainanıñ Donetski qalasınnan häm Qırımnan kilergä teläk beldergännär. Bötendönya tatar kongressınıñ çit ildäge tatarlar belän eşläw bülege citäkçese Röstäm Ğaynetdinov:

Ukrainadan da 4 millättäşebez uqırğa teläk belderde.

Röstäm Ğaynetdinov äytüençä, ägär Ukrainadağı millättäşlärebez imtixannarnı Qazanğa kilep tapşırsa, qalğan çit illärneñ barısına da komissiä äğzaları baraçaq. Pänceşämbe könne Bakuğa sınaw alırğa çığıp kitär aldınnan Tatar däwlät ggumanitar-pedagogtqa universitetı uqıtuçısı Ence Kodirova:

Min bıltır älege programma nigezendä Kazaxstanğa barıp, älege ildäge häm Qırğızstandağı tatar uquçılarınnan imtixan alıp qayttım. Alarnıñ kübese yuridik, iqtisad, çit tellär belgeçlegen alırğa teläde. Bıyıl tatarça uqırğa teläwçelär dä bar.

Tatar däwlät ğgumanitar-pedagogtqa universitetı uqıtuçısı Ence Kodirova yäş millättäşlärebezneñ kübese tatar telen aralaşu däräcäsendä genä belä di. Ence Kodirova:

Alar bezneñ abiturient däräcäsendä ana tellären belmilär, şuña qıensınalar. Añlatu eşläre lapı barırğa kiräk.

Ence Kodirova äytüençä, alar testlar näticäsendä iñ yaxşı uquçılarnı ğına saylap alaçaq. Komissiä utırışı 15 iyülgä qädär bulaçaq häm anda inde uqırğa kergän uquçılar isemlege bilgelänä. Röstäm Ğaynetdinov äytüençä, sınawlar härber 5 ilneñ zurraq şähärendä uzdırıla. Ul şähärgä Tatarstan yuğarı uqu yortlarında belem alırğa teläwçelär cıyılıp imtixan tapşıraçaq.

Landış Xarrasova

XS
SM
MD
LG