Accessibility links

Кайнар хәбәр

Teatr belgeçläre sezonğa yomğaq yasadı


Bu oçraşuda näq teatr belgeçläre sezonğa yomğaq yasadı, bäha birde. Ä teatr wäkilläre, citäkçelek belän teatrlarnıñ yıllıq eşläre turında açıqtan-açıq söyläşü sentäber ayında uzaçaq. Ä bu pänceşämbe könne bulğan bu çarağa kilgändä isä, moña qädär teatr belgeçläre bu külämdä häm bolay açıq itep jurnalistlar aldına çıqmağan bulğan. Şuña kürä 8 keşe çığış yasarğa tieş belgeçlär, mädäniät ministrlığı, teatr xezmätkärläre berlege wäkilläre arasınnan teatr tänqitçese, ğalimä, Rusiäneñ atqazanğan sänğät eşleklese İl'tani İlyalova ğına da yıllıq eş, uñışlar, citeşsez yaqlar turında säğätkä yaqın çığış yasadı. Menä Tinçurin teatrı da gazeta çığara başlağan. “Tamaşa” isemle bu basma dip başladı ul süzen. Anı çığaruçılar repertuar häm artistlar belän yaqınnanraq tanıştırunı maqsat itkän.

Tatar teatrınıñ 100 yıllığı, Kamalda “Gölcamal” quyılu, tatar teatrı tormışı turında moña qädär kürelmägän sanda törle kitaplar çığu, törle festival'lärdä uñışlarğa ireşü, küp kenä teatrlarda tözekländerü eşläre baru, 40 lap äsärneñ säxnägä quyıluı, gastrol'lär ğomumän barsın da sanıy kitsäñ, bik ozaq waqıt kiräk bulır ide. Teatr belgeçläre citeşmägän yaqlarnı da inäsennän cebenä xätle sütte. Kötelgän bäyrämnär, problemalı häm şul uq waqıtta “äfärinle” 1 yıllıq tormış waqıtında kötelmägän waqiğalar da bulğan. Şundıylarnıñ berse İltani İlyalova äytüençä, Şäymiev imzası belän Bua teatrınıñ däwlät qanatı astına kerüe. Ä 16 yıl buyı mondıy xälne ömet itkän Tübän Qama teatrı tağın küpme kötär ikän. Ämma alarnıñ başqa quanıçları bar. Teatr uçilişçesın yaña betergännär därräw alarğa kitäçäk. İñ kötelmägän äyberlärneñ tağın berse- Çallıdağı urıs teatrınıñ “Masterovoe” buldı, dide İltani İlyalova. Binası da, repertuarı da, spektakl'läre dä mine şaqqatırğan äyber buldı.

Anda barsı da bik yaxşı, dide teatr belgeçe. Ä menä Älmät teatrı başqalar belän çağıştırğanda zur krizista ikän. Rejisserdan uñmağan. Ğomumän, teatr belgeçläre äytüençä, Tatarstan teatrları yaxşı rejisserlarğa zur qıtlıq kiçerä. Kamalda ğına da ştatqa kürä 3 rejisser eşlärgä tieş. Annan da qala teatr ul säxnädä uynalğan äsär genä tügel. Bu oçraşu waqıtında maxsus belem alğannarnıñ eşkä urnaşıp qalmawları, fatir bulmaw mäs’äläläre dä kütärelde. Qamal, Tinçurin häm başqa teatrlarnıñ tözekländerelüe belän berrättän, Yäş tamaşaçılar, Kaçalovnıñ xäle bigräk tä naçar. Ä Qazandağı qurçaq teatrınıñ yaña binasınıñ bügengä qädär qayda bulası da bilgele tügel.

Başqa töbäklärdä yäşägän tatar xalqı tatar teatrın kürep, bez tatar xalqı isän ikän äle digän xisläre tua. Ğorurlana ul tatar teatrı belän. Miña qalsa ul gastrol'lär digän äyber bik möhim, di İltani İlyalova. Anıñ äytüençä, teatrlarnıñ Rusiä töbäklärenä çığuı da citärlek däräcädä tügel älegä.

Nail Alan

XS
SM
MD
LG