Accessibility links

Кайнар хәбәр

Başqortstan teatrları gastrollärdän qayttı


Başqortstandağı ike tatar däwlät teatrınıñ berse – Ufa “Nur” tatar däwlät drama teatrı bıyılğı icat mizgelen yaña premyera belän tämamlıy. Şimbä könne nurlılar üz tamaşaçılarına Ğaliäskär Kamalnıñ “Bankrot” p'yesası nigezendä säxnäläşterelgän “Tipteräm äle dönyasında” digän yaña spektakl'ne täqdim itä.

Ä Başqortstan teatrlarınıñ qayberläre bıyılğı icat mizgelen elegräk yabıp, inde çit töbäklärdä gastrol'lärdä dä yörep qayttı. Tuymazı tatar däwlät teatrı Qazaqstannıñ Kustanay şähärendä icat säfärendä buldı. Anda tatar teatrı ike spektakl' alıp barğan ide. “Qazaqstanğa säfärebez bik uñışlı ütte”, - dip belderde Tuymazı tatar teatrı direktorı Firzät Ğabidullin comğa könne jurnalistlar belän Ufadağı oçraşuında.

Başqortstannıñ tağın ber sänğät kollektivı - Salawat şähärendäge başqort däwlät drama teatrı kollektivı da icat säfärennän äylänep qayttı. Bu yulı alar Üzbäkstan başqalası Taşkent şähärendä buldı. Teatr direktorı Nailä Baykova äytüençä, soñğı yıllarda Taşkentqa Başqortstan teatrlarınıñ barğanı bulmağan. “Şuña kürä dä anda bezne bik ixlas qabul ittelär, bik küp oçraşularda da buldıq”, - di Nailä xanım. Ufada jurnalistlar belän atnakiç könne ul da matbuğat oçraşuı oyıştırdı.

Salawat başqort däwlät drama teatrı direktorı Nailä Baykova ätyüençä, Başqortstannan Taşkentta soñğı 15 yılda sänğät kollektivları barmağan. Oçraşular ixlas ütkän. Andağı millättäşlär tuğan telne işetügä dä susağan.

XS
SM
MD
LG