Accessibility links

якшәмбе, 11 декабрь 2016, Казан вакыты 05:15

Başqortstanda yäşlär sabantuyı başlandı


Başqortstannıñ Stärlebaş rayonında comğa könne töbäkara yäşlär sabantuyı başlanıp kitte. Yıl da oyıştırıluçı bu bäyräm bıyıl dürtençe tapqır uzdırıla häm ul öç kön däwam itäçäk.

Älege zur çarağa Başqortstannıñ barlıq rayonnarınnan häm şähärlärennän meñnän artıq yäş-cilkençäk kilde. Şulay uq Tatarstannan, kürşe Perm kraennan, Çiläbe, Irımbur ölkälärennän häm başqa töbäklärdän dä baytaq qunaqlar cıyıldı.



Stärlebaşta oyıştırılğan bıyılğı Yäşlär Sabantuyın İdel buyı federal' okrugında iğlan itelgän Yäşlär yılına häm başqortlarnıñ Rus däwlätenä quşıluına 450 yıl tuluğa bağışlarğa buldılar. Här yıldağıça, bıyıl da töbäkara Yäşlär Sabantuyında bik küp sport çaraları, bäygelär, milli köräş, at çabışları oyıştırılaçaq. Şulay uq qızlarnıñ ayırım, yegetlärneñ üzläreneñ yarışmaları da bula. Häwäskär cırçılarnıñ häm biyüçelärneñ çığışları da bik kürkäm bulaçaq, di bu bäyrämne oyıştıruçılar.



Yäşlär Sabantuyına Ufadan küp kenä tanılğan cırçılar häm estrada yoldızları da bardı. Alar şimbä könne zur konsert kürsätä häm yäşlärgä diskoteka oyıştıra. Şimbä könne Ufadan bu bäyrämgä respublikanıñ qayber citäkçe dairäläre dä bara häm yäşlärgä qotlaw süzlären citkeräçäk.

XS
SM
MD
LG