Accessibility links

сишәмбе, 6 декабрь 2016, Казан вакыты 08:49

Ufağa Vladimir Pozner kilde


Başqortstanğa Rusiäneñ kürenekle jurnalistlarınıñ berse Vladimir Pozner eş säfärenä kilde. Biredä ul, “Vsya Ufa” televidenie kanalı xezmätkärläre belän bergäläp, “Vremya jit'”, yäğni “Yäşärgä ide” digän maxsus programma äzerli. Küplärgä mäğlümder bu programma SPİD çiren, WİÇ infeksiäsen yoqtıruçılar problemaların kütärä. Vladimir Poznernıñ bu proyektına 2004 yılda nigez salınğan. Şunnan birle tanılğan jurnalist Rusiäneñ baytaq töbäklärendä bulıp şundıy tapşırular äzerläde.

Başqortstanda da SPİD çiren yoqtıruçılar yıldan-yıl arta. Älege köngä räsmi mäğlümatlarğa qarağanda, respublikada 7 meñnän artıq keşe bu bälägä yulıqqan. Ämma älege räsmi sannı kimendä öçkä tapqırlarğa kiräk, dip belderä tabiblar. Vladimir Pozner Ufada üzeneñ tapşıruın şimbä könne töşerä. Anda WİÇ zäxmäten yoqtıruçılar da, tabiplar da, räsmi zatlar, cämäğätçelek wäkilläre dä qatnaşaçaq. Tapşırunıñ efirğa çığu köne 3 iyülgä täğäyenlängän. Ä comğa könne Pozner äfände Ufada jurnalistlar belän matbuğat oçraşuı oyıştırdı. “ “Min bu proyektnı tormışqa aşıra başlağaç, döres yulda buluımnı añladım, - di Mäskäw jurnalistı. – Şuşı kisken problemanı xäl itügä küpmeder öleş kertä aluıma qänäğätmen. Älbättä, bez – jurnalistlar SPİD çirlelärne däwalıy almıybız. Läkin bez cämğiättä añlatu eşläre alıp bara alabız”, - di Vladimir Pozner. Mäskäwdän Ufağa “Vremya jit'” tapşıruın äzerlärgä kilgän tanılğan jurnalist Vladimir Pozner süzlärençä, räsmi mäğlümatlarğa qarağanda, bügen Rusiädä WİÇ zäxmäten eläktergän keşelärneñ sanı 400 meñ dip isäplänä. Ämma monı kimendä öçkä tapqırlarğa kiräk, di Pozner äfände. “Rusiädä SPİD çirlelärgä tüzemle qaraş tärbiäläw bügenge iñ aktual' problema, - di Vladimir Pozner. – Awır sırxawlardan yöz çöermäw, alarnı añlıy belü, alarğa cämğiättä üz urınnarın tabarğa yärdäm itü kiräk. Bu eştä matbuğat çaraları, radio-televidenie küp eşlär başqara ala”.

XS
SM
MD
LG