Accessibility links

шимбә, 10 декабрь 2016, Казан вакыты 19:40

Çallı veteranına Stalin medale


Kim Möxämmät ulı Safiullin 1927 yılnıñ 26 iyünendä, Kurgan ölkäseneñ Älmän rayonı Tuzaw awılında tuıp üsä. Üze äytüençä, anıñ babalarınıñ babaları 1720 yıllarda Sarıtaw yaqlarınnan, çuqındırudan qaçıp şul töbäklärgä barıp çıqannar. Kim abıy 1944 yılda suğışqa alına, oçuçılar mäktäbendä uqıy. Suğışta kürsätkän batırlığı öçen "Watan suğışı ordenı"na täqdim itelä. Şuşı orden anı 62 yıldan soñ ezläp taba häm 80 yıllıq yubiley aldınnan xucasına tapşırıla. Şuşı uq orden belän bergä aña Stalinnıñ 120 yıllığı uñayınnan çığarılğan yubiley medale dä birelä. Veterannıñ 80 yıllığın xakimiät wäkilläre ber atna aldan ütkärä. Kim Safiullin 21 yıl Tacikstan başqalası Düşämbe şähärendä yäşi. 1969нчы yılda Qazanğa qayta, 72 yıldan Çallığa küçä. Ul tanılğan rässam bularaq bilgele, Tatarstannıñ atqazanğan sänğät eşleklese. 1990 nçı yıllar başında Tatarstan prezidentı M.Şäymiewnı qarşına utırtıp, anıñ süräten yasıy. 1992-1993нче yıllarda Kim Safiullin Çallı TİÜ-e räistäşe bulıp tora. Xäzer dä xalıq cıyınnarında qatnaşa, üz fikerlären belderä. Şuşı aqsaqal belän "Azatlıq" xäbärçese äñgämä ütkärde. Kim abıy milli xäräkätkä nindi maqsat belän kilgän?

- Min Tacikstanda yäşägändä ük taciklarnıñ üz millätlären niçek yaqlawların kürdem. Tatarstanğa qaytqaç, üzebezneñ cäberlängän millätne yaqlarğa tieşlegemne añladım. Şuña da anıñ citäkçeläreneñ berse buldım. Yuqqa çığıp barğanıbıznı añlap, üzebezne nıq yaqlarğa tırıştım.

- Stalinğa bağışlanğan medal'ne alğanda nindi xislär buldı?

- Anı birgändä uñaysızlandım. Çönki Stalinnı yaratmıym. Ätiem Stalin lagerenda utırdı. Anı xalıq doşmanı didelär. Şulay da älege medal'ne alırğa ügetlägäç, tarix bit ul digäç, riza buldım.

- 80 yäş tulunı ber atna aldan ütkärgängä dä üpkälägänsez dip işettem.

- Tuğan könne küçerügä xäyran qaldım, nıq räncedem. Nigä alay eşlisez digäç, türälär yalğa kitälär, sezne qotlap, kürgäzmägezne açıp kitärgä aşıqtılar, didelär.

Räsem ostası Kim Safiullin Baqıy ağa Urmançe belän yaqın duslar bula. Suğış häm milli xäräkät aqsaqalı Kim abıy bügen dä ostaxanäsendä, icat eşendä, tatar milli sänğäten üsterü öçen tırışlıq kürsätä.

Çallı, Ğafiulla Ğaziz

XS
SM
MD
LG