Accessibility links

җомга, 9 декабрь 2016, Казан вакыты 12:52

Ağiźelgä neft aqqan


Öfö ergähendä Ağiźel yılğahına neft aqqan. Ağiźel yılğa paroxodsılığınıñ Freğat qorable qapitanı hıuźa neft taptarın kürep xäbär itä. Ul 10 metr kiñlektä yılğa buylap 2 saqrım samahı neft aqqanın kürä. Žuñınan asıqlanıuınsa, Öfönöñ Ordjonikidze rayonında neft torbahı tişelgän bula. Ğäźättän tış xäldär ministrlığınıñ Başqortostan buyınsa baş idaralığı xeźmätkärźäre Ağiźeldän bısranğan ber meñ litrźan aşıu hıuźı tükkän yılğalağı neft taptarın yıyıu dauam itä.

Kisä şulay uq Mäläüez rayonı bilämälärendä İşembayneft yämğiäteneñ torbaları tişeleüe lä terkälgän. Neft Arıślan xujalığınıñ 350 kwadrat metr erźären bısratqan, hıu yatqılıqtarına ağıp töşmägän. Äle urında waqiğa eźemtäläre bötörölä.

Araqı hatıu tärtiben boźousılarğa yaza qatılana.

Kiske säğät 11–źän huñ araqı hatıusı kibettär 100 meñ hum ştrafqa dusar bulasaq. Däülät–Yıyılışı–Qoroltay deputattarı araqı hatıuźı sikläü xaqındağı qanunğa oşonday üźgäreştär inderźe. 4 ay elek deputattar kiske säğättärźä 15 gradustan köslöräk spirtlı esemelektärźe hatıuźı tıyıu turahında doqument qabul itkäyne. Mağazindarźa militsiya patruldäre eşläne, maxsus inspektsiyalar źa kibet eşmäkärlektären tikşerźe- qanundı boźousılar küp bulıuı asıqlanğan. Respubliqa buyınsa 92, ä Öfölä 20 mağazindıñ töndä araqı hatıuı faşlanğan. 3 mağazindan esertkestär hatıuğa röxsät litsenziyahı tartıp alınğan. Xäźer ihä kiske 11–źän huñ köslö spirtlı esemlektär menän sauźa iteüse kibet 1000 minimal eş xaqına toroşlo ştraf, yäğni 100 meñ hum tülärgä teyeş. Ä kibet xujahı häm hatıusığa 50 minimal xeźmät xaqı, yäğni 50 meñ hum külämendä ştraf halınasaq.

Şulay uq kömöşkä qoyop hatqandarğa la faşlana qalhalar meñ yarım ike meñ hum ştraf bar. Xäyer ular bıl aqsanı ber töndä kire eşläp ala inde.

XS
SM
MD
LG