Accessibility links

дүшәмбе, 5 декабрь 2016, Казан вакыты 13:40

Yaqın Könçığışta diplomatiä xäräkäte arta


Yaqın könçığışta, kön dä naçar xäbärlär eşetelä torğan çağında, ömet nurları äkrenläp eşekne arali sıman. 22 däwlättäñ torğan Ğaräp Ligası, üz häyäten berençe tapqır İzrailgä cibärergä buldı. Anıñ wazifası, Yahüdi Hökümäte belän tınıçlıq urnaştıru mömkençelekläre häm Xämas wä aña oxşaş islamçı törkemnärneñ ektrimist xäräkäte qurqınıçı xaqında söyläşülär başlaw.

Diplomatik söyläşülärneñ, köçe qay waqıt, suğış qorallarınnañ da zurraq köçkä iyä bula ala. 12nçe yül, pänceşämbe könne, İzrail belän tınıçlıq kileşüe bulğan Misır häm Ürdünneñ tışqı eşlär ministrları, Yärüssälämdä İzrail räsmiläre belän oçraşa.

Ğaräp Ligası tarafınnañ, İzrailgä berençe tapqır bulğan bu säfär, simvolik ber mäğnäğä iyä. Şul uq waqıtta soñğı yıllarda bik näticä birmägän tınıçlıq söyläşülären yañadañ başlap cibärergä mömkinçelek birä.

Fälestindäge Keşe Xoquqların küzätüçe törkemneñ räise, Bassam Eid, könçığış Yärüssälämnäñ, radiobızğa älege söyläşülär xaqında bolay bilderde:

“Älbättä alar, tınıçlıq mäsäläläre xaqında, İzrail Premyerı häm İzrail Xaqimiäte belän söyläşer. Şunıñ belän bergä, Xämas häm Fättax arasında bulğan barlıq nizaqlar xaqında Fälestin Xaqimiäte häm anıñ başlığı Mäxmüd Ğabbas belän dä söyläşäçäklär. İnşallah moñdıy säfärneñ, näticäse ike tarafqa da, İzrail häm Fälestin tarafına fayda birer.” İzrail tışqı eşlär ministrlığı süzçese Mark Regev, häyät, Ğaräp tınıçlıq planı dip yörtelgän, täqdimnär xaqında söyläşeläçäk dip belderde. Bu plan, 1962nçe yılda İzrailneñ altı kön suğışında basıp alğan cirlärne kire qaytarıp, Fälestin däwläten tözegän çağında, İzrailneñ barlıq ğaräp illäre tarafınnañ tanıluı planı.

Täqdim itelgän bu plannañ İzrail ber niçä tapqır baş tartsa da soñgı üzgäreşlärdäñ soñ qarşılıqnıñ yomşaruı sizelä.

“Minemçä mondıy oçraşularğa ömet bağlarğa keräk, ikençedäñ, Ürdün, Misır häm xättä Soğud Ğaräbstan kürsätkän tırışlıqlarnı da xuplarğa keräk, alar İzrail-Fälestin häm İzrail-Ğaräp ligası arasındağı nizaqnı çişärgä bulıştılar.” Yärüssälämdä moña oxşağan Yaqın Könçığış söyläşüläre äle däwam itär. Elekke Britaniä Prezidentı Tony Blair YaqınKönçığış Xalıqara Tınıçlıq Dürtlegenä ilçe itep belgelängännäñ soñ, älege Dürtlekneñ Yaqın könçığışlar mäsäläläre xaqında utırışı 16nçe yündä Qahirädä buluı planlaştırılğan.
XS
SM
MD
LG