Respubliqa prezidentı Räsäy migratsiya xeźmäte direktorı Konstantin Romodanovskiy menän osraştı. Bıl osraşıuźıñ üź säbäbe bar. Köźgä Räsäy Däülät şurahınıñ sirattağı ultırışı tap migratsiya mäsälälärenä arnalasaq. Şuğa la uğa xäźerźän ük äźerläneü möhim. Bıl osraqta Başqortostan Räsäy kimälendä migratsiya mäsälälären uñışlı xäl itkän töbäk bularaq kürhäteläsäk. Bığa tiklem Başqortostan menän federal migratsiya xeźmäte arahında kileşeü źä yuq ine. Yäğni, ike aralağı wäkälättär bötönläy bildälänmägäyne. Xäźer bıl eteşheźlek tä bötöröldö. İke arala nihäyät kileşeü töźölöp wäkälättär bildälände. Doqumentqa Xökümät premer ministrı Rafael Baydäülätov menän Konstantin Romodanovskiy qul quyźı. Rafael Baydäülätov kileşeügä qul quyıu tantanahınan huñ, min Başqortostanğa millättäştärebeźźeñ küpläp kileüen telär iner, tip belderźe. Ämmä respubliqa etäkselege älegä qasaqtarźı urınlaştırıu mäsälähen quźğatmay. Sönki Başqortostanda yäşäp tä fatirhıź yörögändär bixisap. Şulay źa Başqortostandan qıuılırğa teyeşle keşelärźe totou ösön kileşeügä yaraşlı, maxsus urındar töźöläsäk. Qanunhıź migratsiyağa qarşı köräşte artaban da kösäyteü qarala. Konstantin Romodanovskiy kileşeüźe bar punkttarı la teüäl ütäler tigän ışanıs belderźe.
Başqortostanda yaylap demoğrafik xäl totoroqlana bara. Respubliqa prezidentı bıl hüźźärźe här saq źur ğorurlıq menän äytergä yarata. Mortaza Räximov Başqortostanğa migranttarźıñ küpläp kileüen xalıqtıñ yäşäü kimäle yaqşırıu menän bäyläy. Huñğı biş ayźa ğına migranttar hanı 2 meñ keşegä artqan. Däülät şurahı köndärendä şulay itep, Öfö uramdarında qanunhıź migranttar bulmayasaq. Äle bıl sarağa etdi äźerlek bara. Räsäy prezidentı qortejı ütä torğan tağı la ber yul asıldı. Yulütkärges tuğıź ay samahı esendä töźölgän. Unıñ oźonloğo 73 metrźan aşıu, kiñlege 16 metr. Ös hıźatlı yuldan baş qalanan Şişmä yulına, Irımbur trassahına sığırğa mömkin. Töźöüselär äyteüensä, bıl yulütkärgesteñ transport xäräkäten köyläü yähätenän ähämiäte bahalap bötköhöź. Zubovo auılı yanında ayırıusa, yäy ayźarında baqsalarğa barıusılar yulda źur tığındar tıuźıra. Yulütkärges ihä Öfö-Irımbur trassahındağı kösörgäneşlekte kämetergä, awtomobildär xäräkäten xäüefheźeräk itergä mömkinlek birä ikän. Başqarılğan eştär sifatı menän yaqından tanışqandan huñ Başqortostan prezidentı ularźı yuğarı bahalanı. Başqortostan menän Räsäy berźämlegeneñ 450 yıllığına yulütkärges baş qala xalqı häm awtohäüäśkärźär ösön źur büläk tip bildäläne.
