Accessibility links

якшәмбе, 4 декабрь 2016, Казан вакыты 17:19

Ukrainada poezd qazasınnan soñ 20 keşe ağulanğan


Ukrainanıñ könbatışında, kiçä (Düşämbedä) kiçkä taba sarı ağulı fosfor töyälgän poez yulınnañ çıqtı. Qazada taralğan ağulı gaz bolıtları yaqındağı distälägän awıl kügeñ qaplağan. Räsmilär beldereünä qarağanda, ağulanğan 20läp keşe xastaxanälärgä salınlğan. Cirle xalıqqa öydäñ çıqmasqa, qoyı suın, sıyır söten eçmäskä häm baqça yäşelçälären aşamasqa kiñäş itelgän...

Polşa çigenä yaqın Lvivdä, Qazaxstannan Polşağa bara torğan poeznnıñ 15 timeryul miçkäse awdı. Alarnñ 6sına ut qabınıp, çıqqan ağulı gaz bolıtı yaqınça 90 kvadrat-çaqrım kiñlektä kükne qapladı. Ğadättäñtış xällär Ministrlığı Lviv bülegeneñ matbuğat sekratarı Pavlo Vasylevskyy radyobızğa qaza turında bulay belderde.

“Ağulı bolıt Busk rayonında 11 meñ keşe yäşägän 16 awılnı qapladı. Kiçä tönne xökümät komitetı 793 keşene awıldañ çığarırğa qarar qıldı. Alarnıñ 472se inde üz yulı belän qurqınıç yanağan möxittöñ kitkän.”

Qotqaruçı häm cirle xalıqtañ, 20 keşe, sıyıq sarı fosfornıñ qabınıp yanuınnañ çıqqan ağulı bolıtta sulış ala almiy azaplandı.

Sarı fosfor yanuçan maddä, hawa belän quşılğan da uq yana başliy, sarımsaq isenä oşağan is tarata.

Qaza urnınnañ 20 çaqrım yıraqtağı Brody rayonında yäşäwçe Yulia Meşanka, Kiçä xalıq qotqığa birelde dip äytte:

"Bezdä citärlek mäğlümat bulmadı. Närsägä ışanırğa da belmädek. Bezgä öyne taşlamasqa, balalarnı uramğa çığarmasqa, biklänergä quştılar. Yüeş sölge häm cäymälär belän täräzne qaplap alarnı yañaları belän alıştırıp tordıq."

Yulia, xalıqnıñ qurqınıç turında kübräk belergä häm nişlärgä kiräklege turında radiolardan tıñlawların äytte.

Qaza möxite Busk töbägendä çirkäw atayı Petro radiobızğa bulay dide,

"Bez, balalarnı ağudan ziyan kürmägän urınnarğa urnaştırırğa yärdem itäbez, quldañ kilgänçä tırışabız. Olılarğa tugannarı-iptäşläre yanına çığıp kitärgä kiñäş itelgän bulsa da xalıq äyberlären şunda taşlap kitä almiy, urlanır dip qurqa."

Älege gaznıñ eçendä ağu kölämineñ küp buluı, sulış alğanda bawırğa ziyan kiterä. Ukraina premyer ministr urınbasarı Oleksandr Kuzmuk, bu qazanı 1986nçı yılda bulğan Çernobil faciğasenä oşata:

“İlebez bälägä oçradı, Çernobil facigasennäñ soñ xäzer inde Ukraina xalıqına zur qurqınıç tudırğan bu xäl belän qabat köräşergä tiyeş bulaçaqbız.”

Kuzmuk, 58 timer-yul miçkäseneñ yuldañ çığıuna ni säbäbçe bulğanıñ tikşerä başlağannarın belderde.

“Baş prokuror cinäyät eşen başladı. Eçke-eşlär ministrlığı häm iminlek xezmätkärlärenä bu xaqta wazifalar tapşırıldı. Bez monıñ nigä bulğanıñ öyränäçäkbez.”

Fosfor maddäläre tufraq-aşlamasında qullanıla. Häm fosfor şul uq waqıtta teş-pastası, yuğıç äyberlär belän bergä şartlatqıç häm ut-eşe feyer-werklärdä qullanıla.
XS
SM
MD
LG